是咁的，照顧過我嘅護士死咗: 三百一十四、無放開

「呃⋯⋯咁算唔算係對我有興趣？」

「你真傻定假癲呀？」十八子已經想打鑊我，但佢忍咗手。

「唔好玩啦我認真問架。」

「毒撚真係好可怕⋯⋯」

「咁你都要畀個答案我架。」





「你自己問佢啦！哼！頂好想一野放開手又唔放得！激死我喇！」

十八子激到跳跳紮，但都無放開托住我嘅手。

多得佢咁有職業操守，我隻手先無進一步受傷。

喺我入到去見醫生，幫我打緊石膏嘅時候，我就叫十八子走先，事關佢都已經陪我陪到過哂食飯時間。

「咁我返去先喇，有咩你打畀我啦。」





之後打完石膏，醫生話唔使住院，但都開咗啲止痛藥過我食。

好彩拍落枱前半秒收返九成功力，唔係啲內勁一定震碎我隻手。