是咁的，照顧過我嘅護士死咗: 三百一十五、叮噹手

醫生包到我隻手好似叮噹咁，我吽吽逗逗咁去返外面等藥，等等下急尿走咗去廁所。

洗手嗰陣，但我注意嘅唔係痛到痴肺嘅右手，反而係被林林掂咗一下嘅左手。

今生今世唔洗左手會唔會太誇張？

又無辦法喎，如果我唔洗手林林又突擊我咪大鑊？都係洗啦。

骨科病房嘅臭味依舊，病人大大小小嘅痛苦呻吟聲不絕於耳。

但於我而言，一切都好似被意識隔絕開去。

心入面淨係得一個問題：林林係咪真係對我有興趣呢？

咁啱喺行出廁所無耐就撞正啱啱換完片嘅林林。

「哇你隻手好似叮噹咁。」