我係個電台DJ，每晚都做個無咩人聽嘅節目: (二) 情場的荒謬

我老死阿強說過，人生最潦倒的時候，不是面臨著不如意，而是你明知不如意，卻無能為力改變。

那麼不願意，為什麼還要做啊？

談理想很難，沒有錢談理想更是天方夜譚。

「歡迎收聽徘徊太子道，我係你地節目主持人太子。」縱使多麼的不願意，我還是回到了我的崗位。

「今晚太子開咪之前去咗睇套戲，發覺香港人一睇戲就會個個變做林尚義咁，成套戲係到…」





啊，節目的流程是這樣的，在那兩小時的節目裡，首十五至二十分鐘是我個人的Solo時間，讓我暢所欲言。

或許是我天生的大嘴巴，我很少會想不到話題。雖然那麼長時間的自言自語好像有點傻傻的。

接著我會播放一、兩首歌，並插播一段廣告，當作是喘息一會。

Sally會一直把打上節目的聽眾資料Whatsapp過來。聽眾的背景可謂臥虎藏龍，但古靈精怪的多，正正常常的少。

就好像…





「Hi，我叫阿怡啊。」

「阿怡你好，請問你打黎係想講咩呢？」

「尋晚我同我男朋友分咗手。」

噢，是感情問題，早已見慣不怪…一開始我是這樣想的。 「原因係…？」

「佢同我講佢鐘意咗我樓下個女看更。」





哦……是出現了第三…什麼？！看更？

「個看更係兩個月前先黎做，五十幾歲嘅應該。」

「開頭我都冇乜為意，但後來發覺佢成日同個看更眉來眼去。」

「有一次我唔覺意見到佢公事包有隻女裝手錶，以為佢咁好買黎送俾我，我等咗成晚佢都冇送，後來先比我見到個女看更手上戴住咗隻錶…」

然後…然後是怎樣我也不太記得，這是什麼鬼故事？！

我差點想問問那聽眾的地址，一窺那保安容貌有什麼攝人心魄的力量。

「Sally姐…你可唔可以話我知…個世界係咪冇曬正常人…」完了直播後，我猶如行屍走肉般，步出直播室。 每天的直播，我仿佛和我的忍耐力作鬥爭，挑戰著自己的底線。

「即使你同我，都唔係正常嘅，你又何苦自怨自艾？」





「閘住，我不知幾正常。」我說。

「正常人呢個時候都瞓緊教，你又係到做緊咩？」

「唔洗食啊？」

「咪就係囉，我地一直為過一啲正常嘅生活拼搏，最後搞到自己一啲都唔正常。」

「難得佢地肯打上黎傾訴，你咪幫下佢地囉。」

這傢伙…應該去做哲學家吧？

「又俾你講得通。」





駕車回家時，我問Sally:「點解你要黎做助理？」

「又問？In果陣咪講過囉。」

「我想聽真果句。」 「如果你做到收聽率第一，我就話你知。」

「咁神秘？」

「Deal or not ?」她問。

「個節目打黎果啲個個都神神化化咁…點做啊？」

「我信你得。」

這個助理，不經不覺幫助了我年多，但我卻從沒真正了解過她。





但她的出現，或許是我堅持下去的原因。

我曾經多次想過瀟灑地走到節目總監面前，把辭職信遞上，然後拍拍屁股轉身而去，管他的節目怎樣。

可惜總是被她三言兩語的說服，做著做著，便做到現在。

「好，殺你！」

但全台第一，談何容易啊？

「到啦，聽晚見啦。」

她下車後，走了兩步突然停下來。





「喂，相信下自己啦。」

回到家後，為著Sally的幾句話弄得整個徹夜難眠。

第二天，一早便被個電話吵醒。

「邊撚個啊，知唔知阻人瞓教都要燒春袋？」

「阿強啊！」