我係個電台DJ，每晚都做個無咩人聽嘅節目: (九) 你快樂過生活 我拼命去生存

說起這義工組織，是阿強和其他朋友籌辦的。

主要招募一些青少年做義工，令他們從中可以改變自己。

我和Sally答應幫助他的服務一天。

「呢個係阿琳，今次活動嘅PIC。」阿強跟我們介紹著眼前的這一位女士。

她看起來二十多歲，說女士好像老成了一點，但女生又過於年輕。





但無可否認的是，她絕對是個令人一見傾城的美女。

樣貌雖不是美若天仙，但整個人都散發著朝氣，仿佛看見了她心情也變好。

「佢係阿泰，呢個Sally，佢地係做電台工作嘅。」

「你好阿泰…」「嗨…」

「喂！」突然被Sally暗中捏了一下。





「噢…噢，Sorry，你好你好。」掛著留意著她，不自覺分了神。

不對不對，應該是過於集中…啊，我也給搞混了。 接下來，阿琳給我們解釋了這次活動的內容。

但其實過程我也沒有留心聽，只記得好像不停的點頭。

「喂，你黎做義工定黎溝女啊？」Sally不屑地問。

「咁緊係做義工啦，但係你唔覺佢好靚咩？」





「過得去啦，陽光型囉。」

「快啲幫手啦。」阿強在催促我們。

這次活動的對象是一群小朋友，想不到Sally哄小朋友也有一手。

受歡迎程度比起我和阿強加起來更甚。

「今日真係唔該曬你地啊。」活動結束後，阿琳向我們作出道謝。

「洗乜客氣啊，當幫呢個人積下德啊！」Sally在暗諷我。

「你就要積德。」

「係喎阿泰你係做咩節目？」





「啊…徘徊太子道。」不知為什麼說出來那麼別扭。

「哦…」

「你聽過啊？」

「哈哈…未，得閒聽下先。」

「好啊！」

「啊，阿強，想同你傾啲嘢。」我說。 「徘徊喺回憶當中，徘徊於迷失旅途..徘徊太子道。」

「又係徘徊太子道嘅時間啦，我覺得今日好特別，好似做咗好多好事咁。」





當然我不是在宣揚自己的功德，也算不上什麼。

但今天所做的事皆也令我很快樂。

人生在世，不也只是求每天能歡歡愉愉的過？

「社會其實真係爭咁啲溫暖，先會有咁多不快嘅事情發生。」

「城市雖然煩囂，但若果肯留心多一下，有好多值得我地留意嘅人和事。」

「希望大家都可以樂善好施，得閒可以做下啲熱心事。」

做電台的其中一個責任，就是社會責任，有空也要推廣一下社會事務。

但縱使這是責任，我也覺得是一種義務。





因為隨心所作的「好事」，才是真正的樂善好施。
 ..
「兩個小時嘅節目好快又告一段落，多謝大家收聽，我地聽晚再見。」 脫下耳罩後，我仍然坐在廣播室內。 

「做咩呆咗咁？」Sally見狀，也走入來問。 

「生活..真係一個好深嘅命題啊可？」 

「其實都係睇下你嘅心態姐，生活可以好簡單。」 

「Sally姐有咩高見呢請問？」 

「好似你頭先咁講，好多人其實係為生存，而唔係為生活。可笑嘅係，佢地永遠都達唔到佢地心目中嘅生存條件。 永遠都嘢唔夠食，錢唔夠洗，屋唔夠大。咁點會學識生活？」





 「Sally姐，究竟你啲想法係邊個影響你？」我不禁地問。

 「我天生成熟，吹咩。」 不知道為什麼她那麼成熟，或許她的成長經歷影響了她的想法。 

「聽日見啦，Bye。」 把她載回家後，我沒有開車回家，我把車停泊在了一旁。 我把天窗打開，皎潔的明月映入我昏昏欲睡的眼簾。 

到底現在的我是為了生活，還是為了生存？ 說為了生活，不見得，每一天屬於自己的私人時間其實很少。 

為了生存，我怕長期熬夜，身體負荷不了多久。 有些人不斷的努力，寧可不斷耕耘，也不活在當下，只為了將來的安逸。

 有些人卻安於天命，不追求物質，只追求當下的快樂。 到底那一種才是對的？ 

人生啊，真是折騰。總有那麼多的矛盾..永遠沒有答案的矛盾。 想著想著，好像沒有得出結果便已經睡了過去。