我係個電台DJ，每晚都做個無咩人聽嘅節目: (三十) 風平浪靜

「點啊，仲未覆完啊？」與阿強和阿文的小聚完結後，我便跟阿強回到電台處理一點事情，看見Sally還在拿著手機不停的打字。

「差唔多啦，估唔到啲人真係咁熱情，好多都幫Alvin打氣。」她說。

想不到，這個電話會帶來這樣的一個凝聚的力量，把人間的冷漠打破。
 
每一個留言都仿佛在告訴我，人間是真的有情。或許你會覺得這句話很過時，但其實不是過時，只是人的心態變了。

我常覺得，人和人之間連繫仿佛越來越近，但距離好像越來越遠。





科技的發展不僅沒有增加大家對身邊人的關愛，而且每個人都垂頭玩著電話，漠視身邊的一切。

但這次小騷動，卻帶給我丁點兒的希望。

「喂太子，阿強！」Herman在叫著我們。

「琴晚個節目做得好啊！咁大回響。」他說。

「係囉，啲人好雀躍。」我敷衍地說。





不知道為什麼，看見他的樣子，想吐。

「果然有得改節目時間，做節目都落力啲啊！」他說。

「做好本份姐！」阿強及時為我應對。

「好！繼續努力！」說罷他就走了。

「頂你個肺，講到我搏紥先落力咁。啲人留言又唔係我叫！」確定他走後，我才敢宣洩不滿。





「算啦，啲高層係咁功利。」阿強說。

「你係咁睇唔好當我都係先得架大佬。」

「你做到高層唔好咁對啲細架囉。」Sally也說。

「強哥啊，若果你晉升高層你唔好咁對小弟！」我假裝巴結阿強。

「係喎，聽講黎近會大執位，有希望啊強仔！」Sally突然說。

「大執位你都知？」我問。

「我聽啲高級職員嘅秘書講架炸，同埋你睇你個節目有得改時間就知啦。」

「嘩，咁真係要睇住我啊強哥！」





「痴線，我都收唔到咩風。」阿強說。

現在才知道，能夠這樣吵吵鬧鬧，也是福氣。

或許從這一天起，風平浪靜的生活已離我們而去。

我們注定被捲入電台內部的鬥爭，應該是說，成為了磨心。而這場鬥爭，或令我不知怎樣去走以後的路。

我的人生，也不斷的走下坡。

不知道大家有沒有想過，當一件事在你生命中出現過很多次，但有一天，它永遠再不能出現在你往後的生活，那感受是怎麼樣？

我從來沒有想過這樣事情，因為我不是預言家，我不能知道自己的未來。





但若果我能，我定會把握這很多個一次，甚至是牽涉到的人和時間，即使不能改變它消失的命運。

這幾天，我不斷為著自己節目的小成功而興奮著。

阿文、阿華和Ruco他們得知後也為我感到十分高興。

過了數天之後，阿華約了我到一個老地方，說給我慶祝一番。