痴漢聯盟: 16
紋星一行出總部門口 就見到差利 , Ka君 , 巴蘭萊斯 同一個紋星吾識既人挨喺牆道玩手機
' 咦 !? 紋星 你咁快出黎嘅？'
巴蘭萊斯察覺到紋星 抬頭喊佢過黎
' 點啊 有無Pass 呀 ;
' Pass左啦 '
差利一邊玩手機一邊介紹嗰個紋星吾識既人
' 佢係許傑 後日佢會比個滅聲裝置我地 啟動後半徑10米內既聲音都吾會傳出去 '
' 傑哥 '
紋星打左聲招呼
' 吾洗叫我傑哥啦
我係技術人員黎架喳 '
' 應該既應該既 '
' 唉 呢D野吾需要搞咁多 既然人齊 我就講後日你地需要注意D物 '
' 嗰日我會比第二代 { 聾友 } 你地 '
' 第二代 ? 之前吾係一直用緊一代咩 '
巴蘭萊斯問
' 你地後日救既嗰個人質就係研究滅聲裝置既人 '
' 哦~ 吾怪得班友要綁架佢 '
' 一個月既時間 夠佢喺間工廠既D廢料堆里面整個原子彈
佢簡直係天才中既天才 '
許傑講起個人質既時候 一D都不吝嗇自己嘅讚美之情
' 呀仲有 你地後日戴既夜視鏡佢都有份design架 '
------
行動開始 凌晨兩點
四人小隊先搭快艇到達離工廠一公里外海域 再游水接近工廠
口腔中不斷滲入咸水 除左想爆粗仲要控制好游既速度 吾可以太快亦吾可以太慢
[ 噗 噗噗 ]
聽到巴蘭萊斯通過耳機傳黎既暗號 差利三人吾再向前游 浮喺水面並戴上夜視鏡
巴蘭萊斯打左一連串既手語
意思係
[ 到左計劃預想既200米
跟著落黎我地要潛水去工廠
記住 進入工廠100米範圍之前
一定吾可以浮上水面 ]
三人點點頭
' 要潛水真係麻撚煩 '
差利心諗 佢望去左邊既Ka君淨係需要隔一陣踢一下水就保持到隊形
' 嘉欣就好啦 可以無視阻力踢一下腳就可以游好遠 '
突然 , 差利感覺到有電流經全身 搞到佢起哂雞皮
旁邊既巴蘭萊斯同樣感覺到有野流過 心生疑惑之際
巴蘭萊斯又一次感覺到比人窺視
' 大鑊 ! '
巴蘭萊斯諗返起D資料
當中有個逃犯可以利用自身既電磁波形成人體雷達 有效範圍約半徑800米但係資料顯示佢對於探測水下既野效果將會大減 所以當初先會製定呢個計劃
' 能力膨脹 ? 定係刻意隱瞞?...Fuck 呢個時候吾應該諗呢D野
呢個時候應該做D咩 '
嗯? 夜視鏡突然出現左一種生物既身影
係幾隻游緊水既海豚
海豚 ? 海豚 ? 有橋 ! 可以扮海豚避開探測
巴蘭萊斯即刻向差利三人打暗號
[ 保持同我一樣既姿勢 ]
巴蘭萊斯將身體旋轉90度 並將左手伸前 雙腳同時擺動 模仿海豚用魚尾撥水
差利三人雖然吾知點解要咁 但亦照做
不出巴蘭萊斯所料 電磁波好快就再次掃過四人
一連五次既電磁波 即使差利三人無巴蘭萊斯咁勁既敏銳感知 亦都感到有人喺道窺視緊佢地
' 好彩 '
巴蘭萊斯感應到後面黎既電磁波含有既攻擊性弱左吾少 佢鬆左一口氣
繼續率領小隊游向美樂工廠
------
小隊四人經水路緩緩接近工廠 耗時47分鐘終於到岸
四人喺防波堤褪去潛水衣並稍作休息後再次出發
' 5分鐘到 lets move '
差利喺圍牆旁邊裸出一個圓柱型既物體
而呢樣野正正就係鑽劍 不過係二代版本
提升左轉速同耐用度
啟動滅聲器之後差利就迅速用鑽劍喺混凝土牆道左個大窿
四人通過缺口 , 進入工廠
啱啱入到工廠範圍 佢地就遇上兩名巡邏緊既匪徒
巴蘭萊斯眼疾手快 襯滅聲裝置功效仲喺道連開四槍 迅速擊倒兩名匪徒
佢用既特製子彈塗有麻醉藥 佢地訓低之後就無再郁過
搞掂巡邏隊後 四人分為兩組 嘉欣哥同夏紋星一組負責喺糧倉落毒並救出人質
巴蘭萊斯同差利就負責搵出 [ 人形雷達 ] 卡博爾並殺左佢
呢個時候 差利既滅聲器亦停止左運作
音波恢復流通後 耳邊再次傳黎周圍既聲音
' 矣? '
差利望向手中既滅聲器 驚呼
' 過左十分鐘嗱咩....啊shit '
差利瞄到滅聲器上面刻左行
[ 請勿在濕度高的環境使用 , 啟動後部件將直接接觸空氣以達到滅音效果 ]
' 做咩?! '
巴蘭萊斯問
差利指住手上既滅音器 表示呢舊野因為宜家落緊雨濕度過高 而壞鬼左
' Fuck , Ka君佢地吾知 希望佢地吾會有事 '
二人繼續搜索 根據巴蘭萊斯既感知 個雷達友應該會喺員工宿舍
佢地慢慢摸索到宿舍後門 周圍並無人把守 所以佢地除低原本對鞋
差利用軟膠包裹兩人既雙腳 形成一對厚襪 安靜又貼身
------
而喺另一邊紋星同Ka君亦成功潛入食堂
' 呀咧 點解有咁多D罐頭嘅 ? '
兩人見到食堂D罐頭堆到成個人咁高 都呆左下
就算佢地比D人質一日食一餐都吾會剩咁多 班仆街睇怕係幾日先比佢地食一餐
佢地想搞到D人質軟腳仔 無得反抗
咁宜家我地要係邊道落毒? '
紋星問
原本佢地想將麻醉劑溝入水源度
不過宜家咁大雨D匪徒飲雨水都得
嘉欣哥諗左下 , 答
' 我地將D毒塗喺D刀叉度 '
' 咩話 你要塗喺邊話? '
' 我話塗喺....呢把聲 '
嘉欣哥猛然回頭
有一個男人無聲無息咁坐左喺門口 頭先出聲既就係佢
' 好耐無見 Ka君 '
嗰個男人慢慢抬起頭 直視二人
' 嘉欣哥你識佢 ? '
' 嗯 佢叫洪志堅 上次我喺一樓一呢埋喺衣櫃僕佢 我叫隻雞奶左佢成粒鐘
我等到佢勃起散功嗰下扑出黎嚇到佢謝哂 '
' 哼 今日你吾好彩 我狀態好到爆 '
' 噢? 係咩? 咁我同你講個壞消息呀 其實嗰隻雞係喺泰國黎..'
話都未講完 洪志堅已經從原地 消失
' 架...紋星小心 '
嘉欣哥既語氣突然變得好認真 講野都講快左
' 佢既能力係 [加速空間] 喺半徑20米內一切隨佢既意愿加速但係除左佢自己之外其他人做吾到100%同步仲有死物加速既幅度有限制咪住你係咪覺得我講野快左好撚多 '
紋星點點頭
' 點....解....嘅.... ? '
' 咁係因為你既同步率比我低如果同我既同步率一樣你會覺得我講野同平時差咁多快D整走吾貼身既物品 '
說罷 嘉欣哥已經除剩件緊身衣喺身上
紋星聽從佢既建議都拆哂護肩同戰術腰帶
果然 , 成個人都feel到自己郁得快左
[ 叮叮 噹噹 ]
身後傳黎罐頭比人踢翻既聲音 吾洗望就知道係洪志堅
' 你地知吾知點解我地要搞事 '
洪志堅問
' Sorry吾知亦都吾想知 '
Ka君答
' 我地明知到逃獄比人捉到既話就會就地槍斃 ,
但係我地照樣要出黎 ,
係因為呢個世界需要我地去拯救 '
' 哼 , 你有中二病 '
' 我既刑期只有半年 過多半個月我就會出獄 , 因為我知道宜家吾去幫手 成個社會都會崩潰 '
' 崩潰到變成石器時代幾好 你仲要吹幾耐水 快D郁手 '
' 我..想..知 '
紋星答
' 喂 !? 宜家做緊任務吾好同佢嘴炮 '
' 我..想..知 '
' 好 , 我就話比你知 '
洪志堅大笑 佢停止發動能力 開始講述原因
' 宜家廿二世紀 全世界有130億人口...'
' 吓 ? 吾係95億咩 '
聽到呢個數字連Ka君都皺左下眉
' Nonono 95億係地球二十五年前未膨脹時既數據 全球政府夾埋黎呃你地 廿年前地球地表面積突漲30% 地面上80%建築倒塌 人類齊心合力用左二十年建立返以前既都市 然後又重蹈覆轍開始爭奪多出黎既土地 '
' 你估下嗰30%地表有幾多人喺入面 ?'
' 吾通係... '
' 無錯 就喺嗰35億喺極之惡劣既環境裏面成長既人 佢地既求生意志令到佢地覺醒超能力既機率係正常既四倍 佢地當然有糧食問... '
[ 砰 砰 砰 砰 砰 砰 砰 砰 ]
Ka君連開八槍 但係每開一槍 洪志堅就加速一次 到清空彈匣既時候 洪志堅已經可以穩穩避開子彈
' 哼 偷襲得吾錯 '
頭先既八粒子彈淨得一粒擦傷洪志堅既手臂
' 可惜 呢個傷口好快就會癒合 '
' 紋星 跟我一齊重複數 1234 '
Ka君吩咐道
' 點解? '
' 因為如果你聽到我講野又快左 咁即係佢又加速左時間 '
' 啪啪 '
洪志堅拍拍手
' 不愧係S級
咁快諗到用數拍子黎判斷我有無加速
不過真係有用咩? '
說罷 , 洪志堅沖向紋星
' 好快 ! '
紋星心諗 面對如此攻勢 只能躲避
洪志堅將空間加速左八倍 幅度越大
同紋星二人既差距就越大
佢每次移動都會喺身後拉出殘影
搞到紋星眼花撩亂 無從落手