上上吓堂,我感覺到有異物撞擊我嘅手肘,我望去果一邊正正就係果個女仔坐嘅果一邊。

我終於知道係咩撞我啦,原來係佢寫左張紙仔比我。我心諗唔係第一日番學就有艷遇呀,諗下諗下我決定攞張紙仔睇下寫d咩先。

我打開張紙,見到上面寫住‘你鐘唔鐘意籃球,鐘意嘅話放學黎操場呀’。

睇完之後我咩心情都無曬,本身以為有艷遇,點知係問我鐘唔鐘意籃球,我洗鬼佢問我咩,我一定會去參加校隊。

叮噹....叮噹,話咁快就中午食飯。





我一直都沒時間覆佢我放學會去操場,諗住食飯可以講啦,佢又一支箭咁同fd 食飯。

咁身為一個毒撚我就沒人同我食飯,唯有落去小食部買飯食。

落到去見到brian都排緊隊買飯,佢一見到我就招手叫我過去一齊買。

我地兩個人攞住個飯盒上課室,我地坐番去坐位到。

佢就問我「今日朝早有無嚇死,正常人第一日番學比阿晴咁樣問我相信一定會嚇死。」





我覆佢「嚇到屎都bid埋啦,第一日番學就有人問鐘唔鐘意籃球」

佢笑住咁回答「阿晴佢係籃球隊經理人,佢一定見到你幾高就忍唔住叫你參加啦」

我又覆佢「你重高過我啦,又唔見叫你」

「我中一開始已經比佢嚇過啦.....」佢細聲回覆我。

聽到之後我真係笑左出黎,估唔到大家都中過伏。





佢開始向我介紹下佢口中嘅阿晴「林玥晴,佢由中一開始已經係籃球隊經理人,你唔好睇佢細細粒粒個樣幾可愛咁,佢鬧起人黎個個都驚阿。我見你對佢幾有興趣咁,我就話埋比你聽佢單身啦。」


話咁快又到放學時間,食完飯就訓覺。一訓就訓到放學,啱啱好有精神打球。

我一落到去操場就見到有唔少人想加入籃球隊,我相信大部分人都係想見阿晴嘅一面,而我真係想打波先黎。
已有 0 人追稿