《無啦啦多左幾個家姐同細妹Season 3》: 目的

到頭來我都係唔知大家姐因乜事一定要我去呢一個party。
 
本來以為佢想介紹D人比我識，結果不但無人黎搵我，連大家姐既身影我都無見過，party就完左，大家可以返屋企喇。
 
不過都好，無驚無險又過一日之餘我又達成到自己既目的，可以話係一個雙贏局面。
 
啊係，差D唔記得左Mask既事，難得自己諗得出一條線索而暫時又未有其他野需要我幫忙，一於試下自己去查啦。
 
終於可以有所作為既我，日以繼夜，廢寢忘餐咁用盡自己所知既所有方法去查，例如Google(笑)。
 


大家都知道一入Google深似海，你只係打小小keyword都可以出九萬幾樣result，絕大部分都係唔關事既result。
 
好似我今次咁，打個易容偽裝mask可以出一堆content farm，連marvel個黑寡婦都可以出比我。
 
但我無諗過既係我居然真係係呢D content farm入面搵到我想要既野。
 
搵到一間聲稱研究緊相關技術既日本公司名。
 
果然日本仔都係痴撚線的，我急急腳抄低呢間公司名，打算去完廁所一陣再search。
 


轉身一睇，發現天已經光，原來自己search左咁耐，真係完全唔為意添。
 
Yui：「阿明，夠鐘食…嘩你無訓過啊？」
 
咁岩Yui係呢個時候走左出黎，被佢撞破呢幕認真尷尬，唯有以苦笑作回應。
 
我：「我知啦，我洗個臉就落去，唔該你。」
 
呵…屌那星而家先覺得眼訓…係咪因為個人放鬆左，D一直壓抑住既倦意終於有機可乘呢？
 


唉唔理了，一陣食完早餐訓一陣喇，反正都無乜野做，keyword又搵到，休息一陣都唔過份啫。
 
唔好諗咁多，都肚餓啦快d去食早餐先。
 
落左飯廳，終於見到有成日無見既大家姐，佢好似當咩事都無發生過咁。
 
不過講真，又真係無事發生既。
 
大家姐：「嗯？做咩呀阿明，眼甘甘咁望住我既？」
 
呀..大獲…
 
我：「無野，見大家姐你靚咪望多兩眼咁囉嘻嘻~」
 
係尷尬既時候扮下咸濕往往都有意想不到既效果，今次都係一樣，大家姐聽完笑得幾開心，仲話我口花花。


 
點都好啦，危機已經解除，我可以安心食我既早餐了。
 
唔知係咪心情放鬆左定係因為真係肚餓，總覺得今日既早餐特別好食，真香~
 
係用過膳後大家都未有趕緊離開餐枱，而係選擇安坐於此好好享用咖啡或茶。
 
而亦正因為咁，先有機會開展一場閒話家常。
 
大家姐率先打開話題，問我地難得今日星期六又咁齊人會有咩節目。
 
Yui同Sarah互相望左對方一眼，之後都搖搖頭表示無計劃，咁個波係非常自然及合理既情況下推左比我了。
 
無錯，大家都望住我等緊我俾出答覆。
 


問題係…我根本無plan…要答D乜先得啊…
 
我：「嗯…我諗下晝應該會去行下街？睇下天氣如何。」
 
好明顯，呢D咁公式既答案並未能滿足大家姐既胃口，佢聽完鄒一鄒眉，㗩左一聲。
 
大家姐：「咁行既答案，你肯定之前無諗過啦。」
 
慘喇，被睇穿左添，尷尬囉。
 
大家姐：「難得Anna都返左黎，梗係要帶大家一齊出去玩架啦，快D好好諗下！」
 
知喇知喇，而家咪諗緊囉大家姐…我記得阿惠條衰仔之前有同我講過話開左間餐廳…可以去搵下佢當敍舊既…
 
不過話時話，點解大家姐突然間咁關心我地既？


 
唔係話佢平時唔關心我地，只係覺得佢今日特別踴躍，奇奇怪怪咁。
 
啊岩哂，趁呢個機會問埋大家姐尋日件事先。
 
我：「係wor大家姐，點解尋日個party唔見你既？」
 
大家姐：「eh…係囉我都唔見你地，可能會場太大咁岩撞唔到大家啫，啊係，我仲有D文件要睇，我返上房先啦，你地記得玩得開心D！」
 
唔…呢D係咪可以叫落慌而逃？
 
羽晨：「點解大家姐好似怪怪地咁既？」
 
嗱，唔係得我一個咁覺得啦？硬係覺得大家姐呢輪收埋好多秘密，好似plan緊D野咁。
 


頂好眼訓，有乜都係訓醒先講啦好嘛。