[校園][純愛]《幸運星下的預言》: 第六十五章

我瘀到爆之後

成班再玩多陣就話瞓覺

話聽日要準備燒野食喎

想早啲起身去整

聽聞有啲人會落去買野食野飲添



我心諗唔使丫嘛

燒乜野食要準備成日

好彩本身都唔係瞓到黃朝百晏嗰種人

嚴格嚟講對我冇乜影響

成班女仔返去隔離房之後



我喺度諗，

真係唔係好慣對住成班男仔瞓覺

唔係話唔啱嘴型

而係真係覺得唔自在

同埋我見佢地都重有開床頭燈整野



之前我都有講啦，

自己瞓覺真係好高要求

可能你唔信啦，

對我嚟講只係有少少燈光都會受影響

咁你諗下我幾麻煩

跟住我又諗

係囉咁冇理由要人地就我架

同埋唔止一個



重有幾個都係整緊野

因為我要瞓覺搞到全部人熄燈冇得整又好似太自私

於是我決定做咗一樣好愚蠢嘅事

就係出房瞓

瞓廳

佢地見我拎毛巾呀枕頭嗰啲

就問我做乜



主席條撚樣重衰

話我係咪想潛入女仔房

即刻屌佢話你估我好似你咁咩

佢即刻冇聲出

跟住我就話我出廳瞓呀

費事阻住佢地

好彩頭先見到地下乾淨啫，

都重可以走棧



冇錯，

瞓喺廳聽落去雖然唔舒服

不過起碼隔離冇人

又唔會嘈亦都唔會光

計落條數都係正多於負

於是我就有床唔瞓瞓廳，

不過咁，



如果我話好舒服就呃你啦

大佬地下咁硬，

就算舖咗被單都幫唔到啲乜

所以一路只係合埋眼但係冇瞓著

突然間聽到有人出嚟

嗰陣我冇望所以唔知邊個，

再加上本身我夜晚瞓覺嘅時候，

合埋眼的話就好少會再開返

因為我覺得成日打開對眼更加難瞓著

所以睇落去好似瞓但其實係冇瞓著

跟住先發現原來係筱瑜

點解發現因為佢喺度講野

筱瑜:「傑仔係咪傻架

有床唔瞓瞓廳都有嘅

又唔冚被喎」

我心諗咁黑你都知係我

正當我諗住起身嘅時候叫佢幫我冚被

佢無啦啦再講，

筱瑜:「呀唔係喎

佢好似唔鍾意啲人瞓覺整佢

算數啦由得佢啦」

我:「醒喎

咁你都記得」

筱瑜:「下原來你未瞓架」

我:「唔係呀瞓咗架喇

一聽到你把聲即刻起身」

筱瑜:「唔信囉

做乜瞓廳呀」

我:「佢地入面整野呀

費事阻到佢地

瞓覺都係一個人自在啲」

筱瑜:「ok

咁你瞓好啲喇喎」

我:「做咩出嚟呀」

筱瑜:「飲水呀

喂係喎知唔知呢

今次真係多得你」

我:「做乜撚」

筱瑜:「聽完啲鬼故嗰陣真係好驚架

好彩臨尾你講咗個笑話出嚟先至唔驚」

我:「屌我下次係唔會再講鬼故

講真，

乜真係好好笑咩」

筱瑜:「梗係啦

重要扮晒凝重喎

一啲都唔得人驚」

我:「痴線

睇死你成班都係扮野

明明嚇到打尿震

話你聽我唔會信架」

筱瑜:「得喇得喇我好驚呀

瞓覺先喇

早抖」

我:「好」

筱瑜:「唔同我講返嘅」

我:「一陣先啦」

筱瑜:「我入房喇喎

重一陣」

我:「聽晚先講」

筱瑜:「低能」

跟住佢就入房，

咁就梗係sms佢

點解咁肯定因為頭先見佢拎住部電話出嚟

斷估都未熄機

幾秒之後證明我冇估錯

我:「早抖」

筱瑜:「低b原來係依家講」

我:「你知啦有啲野唔敢當面講」

筱瑜:「早抖咋喎都唔敢」

我:「可能唔止呢」

筱瑜:「咁係咩呀」

我:「er

都係早抖」

筱瑜:「無聊鬼唔同你玩呀瞓覺喇

真係凍就冚被呀

你個位都當風

到時全部俾你傳染真係唔得你死」

我:「你叫到咁梗係冚」

筱瑜:「咁就叻喇」