[校園][純愛]《幸運星下的預言》: 第八十四章

呢個時候其實我地仲未落車

咁當然隻手一直都冇放開過

我:「係喎我都未問

幾時開始鍾意我」

筱瑜:「唔知喎」



我:「你真係唔老實」

跟住當然係咁摸佢個頭

老實講真係幾舒服

我見佢唔介意咁梗係繼續

咁點解唔搣佢面珠登



因為佢本身白淨

我驚細細力都搞到佢紅晒

整到佢唔好

我俾佢鬧又唔好

所以都係摸頭就算數



好似寵物咁樣

筱瑜:「咁你呢幾時開始鍾意我

其實呢我feel到一開始唔係

所以唔使講嗰啲咩一見鍾情

第一眼就暈咁誇張喇」

我:「你又知唔係」

筱瑜:「feel架咋

我覺得唔係囉哈哈



係唔知幾時開始覺得有啲唔同

不過又唔敢肯定喎」

我:「親愛嘅女朋友

你真係好醒嘅啫」

筱瑜:「咁係幾時呀

講嚟聽下啦」

嗰陣佢伏喺我膊頭嗰度



一同我傾計就抬高個頭

我向下望嘅時候見住佢一對水汪汪嘅眼睛

咁嘅表情有邊個可以抗拒

終於都可以光明正大咁樣望住佢

畢竟都係身分嘅問題

之前唔敢望驚俾人發現

依家唔同嚕

點望都得



筱瑜:「碌大隻眼望住我做咩呀」

我:「你咁靚女呀水都行過都望你

何況係我呢個身分咁特別嘅人

依家坐你隔離梗係得寸進尺係咁望」

筱瑜:「低b」

我:「依家唔使偷笑啦」

筱瑜:「痴線不嬲都冇」



我:「真係冇」

筱瑜:「冇喎」

講講連佢都忍唔住笑

中學雞年代拍拖就係咁奇怪

明明乜都冇講，

兩個人淨係互望就已經係咁笑

完全唔知點解

大家又好有共鳴咁先出奇

我:「依家唔係偷笑喎」

筱瑜:「你唔係

你估我唔知你咩平時都係咁偷笑啦

我:「痴線」

筱瑜:「以後唔准偷笑

知唔知」

我:「命令咁話喎」

筱瑜:「係呀你女朋友我好專制架

邊個叫你笑得咁傻

我要望你個樣先識笑呀

氹我開心呢個任務交俾你喇

知唔知呀，

屋企人以外得你先做到

冇得你唔接受任務哈哈」

我:「你講到咁

你放心我一定做得好好睇睇」

筱瑜:「咁今次我信你」

我:「唔止今次

係每一次都要」

筱瑜:「嗯」


筱瑜:「快啲講啦咁係幾時啫」

我:「其實咪嗰次你幫我整走粒釘」

筱瑜:「咁係咪應該要多謝你咁論盡

如果唔係就唔會有今日」

我:「哈哈你都可以咁講嘅」

筱瑜:「遲鈍到死」

我:「姐姐仔大膽啲先得丫嘛

唔係個個好似你男朋友我咁有耐性」

筱瑜:「日日整早餐俾你食唔咁明顯咩」

我:「又係你話順便嘅」

筱瑜:「咁嗰陣……咩丫嘛

咁咪咁講囉

你唔係咁都信丫嘛」

我:「係呀

只要係你講我都信」

筱瑜:「你唔止小器呀

有時重好鬼蠢呀」

各位乜真係好明顯咩

定真係我問題

筱瑜:「講笑咋

咁我都明白有啲野好難開口嘅

你見我冇直接同你講就知啦」

我:「抵錫呀你咁體諒」

我講就咁講啫，

不過呢一刻我重未錫佢

唔係好似電視咁

一表明身份即刻用一個吻去表示大家嘅愛意

可能真係毒撚啦

今次又係第一次拍拖

經驗唔夠體諒下啦大佬

筱瑜:「唔係入學生會都未必識你」

我:「多得你囉都無聊喺度玩飲筒

每一包朱古力奶都係冇飲筒」

筱瑜:「唔係咁樣玩點樣開始熟」

我:「哦原來你」

筱瑜:「唔知呀唔知你講咩呀」

我:「唔使怕醜喎

依家得我見到」

筱瑜:「其實嗰陣真係純粹無聊

估唔到依家竟然變咗回憶」

我:「你都痴線嘅

呢啲點會係回憶

總之我以後飲朱古力奶

一定要你俾飲筒我

唔係就唔撚飲

咁係咪好霸氣先」

筱瑜:「係嘅係嘅你啱

講過要算數呀

係真係以後先好」

青蔥歲月之時，

相信有唔少人都曾經許下過唔少所謂嘅諾言

去到今日，

又有幾多人仍然記得呢啲咁無聊嘅承諾

不過我正想講，

至少喺呢度都重有一個無聊人

將當日隨便講出口嘅一句說話，

不自覺地儲存喺個腦度

佢唔會理其他人知唔知，

淨係知道點樣無聊都好，

對住某啲人某啲事，

講得出就要做得到

只係單純地同以往嘅自己交代

就係咁多冇其他。