人要惡過車！: 第三十九章
食完早餐，Chris先嚟到。
「堯，去H&M先啦。」Jenny話。
「嗯。」
點解啲女人係都要行H&M㗎？明明度度嘅H&M咪又係咁樣，點解要出嚟九龍灣行？我真係唔明。
「最多一陣陪你睇你想睇嘅嘢啦。」堯細細聲喺我耳邊講。
「你話㗎。」
「係啦，行啦。」
「家姐咁我點？」Chris問。
「你想跟嚟就跟嚟，唔跟就自己搞掂啦。」Jenny答返佢。
「哦。」
結果姐控Chris梗係跟埋去啦。
去到H&M，Jenny喺度睇裙，Chris就喺佢身邊行嚟行去。
「家姐條裙好襯你呀。」
「洗你講。嗱，拎住啦。」Jenny講完就遞咗條裙Chris。
結果哩個動作重複咗唔知幾多次，直至Chris都攞唔曬。
好好彩堯唔係咁癡線啫。
「個袋我幫你拎啦。」
「好呀，嘻嘻。」
最後堯只係揀咗一對耳環。
「靚唔靚呀？」
「幾襯你呀。」
「係呀，咁就哩對啦。」
咁行完H&M之後，就上翻上面行IKEA。
咁行過啲示範單位之類嘅嘢嗰陣，堯喺度問。
「係呢，有無諗過第時間房想點裝修？」
「無呀，全白色幾舒服呀。」
「全白色咁單調？」
「咁呀，交比你設計啦。」
「搞錯呀，又推比我。」堯面紅。
「我信得過你㗎啦。」我笑。
「哼，廢事理你。」堯即刻用背脊對住我。
唔洗睇都知個傻妹又偷偷地甜笑啦。
「好啦，行啦。」我繼續拖住佢行。
「嗯。」
咁途中都係睇吓家俬，睇吓啲立立雜雜嘢。
「B呀，我想夾糖呀。」
「好呀。」我話。
之後阿堯就去咗同Jenny夾糖。
「僖哥。」
「做咩？」
「幾時得閒遊車河呀？」
「遲下先啦，近排有嘢做。」
「喂你又煩住人哋做乜？」Jenny行過嚟。
「傾下計喳家姐。」
「夾完啦？」我問堯。
「嗯，合埋眼呀。」
「合埋眼做咩？」
「合埋先啦。」
我照佢意思做。
「打開口呀。」
之後佢放咗粒糖落我口度。
「食啦嘻嘻。」
我𡁻幾𡁻，之後吞咗。
「吓，你唔覺得難食咩？」堯問我。
「咪甘草糖囉，無咩特別喳嘛。」
「唓～都唔好玩嘅。」堯扁嘴。
睇住個傻妹咁樣真係覺得好得意又好好笑。
「唉，哩兩夫妻真係無眼睇。」Jenny話。
「咩喎，你⋯同你細佬⋯咪又係咁。」堯口疾疾咁講。
「我哋明㗎喇。係啦，我落去Puma睇鞋，一陣Whatsapp聯絡啦。」Jenny講完就帶埋Chris走。
「咁我哋去邊呀？」堯問。
「不如去上面書局行下？」
「好呀，行啦。」
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
作者又忙咗幾日，終於叫打咗少少貨仔出嚟。。。