[愛情走糖故]兩個人心底中不為人知嘅秘密,成為兩個人間嘅牽引: 93.初次見面

凌御生承認咗自己的確好中意夏巧莘，呢一點令鍾家豪更清楚，無論如何，自己同凌御生對夏巧莘嘅愛相比起，凌御生嘅更強烈
「睇嚟我注定敗喺佢手上…」凌御生輕輕一笑自嘲道
「咁你幾時同佢表白呀？唔通一世都唔同佢講？」鍾家豪係真心支持凌御生，所以凌御生幾時表白呢個問題令佢有啲在意，「其實佢都中意你。」
「我知道佢中意我～」凌御生比剛才更愉悅，「我諗住喺Music week同佢表白…」
「嘩～So romantic～」鍾家豪笑道，但佢同凌御生都唔係第一日就識，所以佢知凌御生想做咩，「你諗住唱咩歌嚟同佢表白？」
凌御生講咗比鍾家豪知佢最後決定咗唱咩歌，鍾家豪點點頭
「佢會明白我嘅意思…」凌御生自信地笑一笑
…
翌日放學嗰陣，凌御生同夏巧莘一齊走
「夏學謙，你最近冇同校花一齊放學嘅？」葉偉健笑道，「佢有男朋友就唔洗你啦？」


「唔係。」夏學謙反咗一個大白眼，「佢兩個宜家成日都一齊，但都未拍拖。」
「聽語氣你好似好急想佢地一齊喎～」另一個男仔李文樂揚起嘴角道
「唔係，我始終都係唔中意佢。」夏學謙口中嘅佢，除咗凌御生之外唔會指向第二個
「哎喲哎喲～姐控又嚟啦～」葉偉健挪揄道，同身邊幾個朋友一齊笑道
夏學謙無言以對，佢身邊嘅朋友成日笑佢係姐控，夏學謙聽多咗都唔會特別覺得點
佢對夏巧莘好，好關心佢的確係事實嚟，夏學謙自己亦唔否認
凌御生同夏巧莘行出學校門口，正講緊幾時一齊溫書好
一架黑色嘅Benz嚟到學校門口，兩個男人落車，係凌天傲同埋阿年
「阿生！」阿年朝着凌御生嗌道，同時望到企喺凌御生身邊嘅夏巧莘
「年叔叔？」凌御生一臉疑惑，行到阿年面前


「好耐冇見啦！特登嚟等你一齊去飲茶！」阿年雙手捉住凌御生嘅上臂，然後望向夏巧莘，「你一定係凌天傲講嗰個「阿生好靚嘅女朋友」啦～」
夏巧莘一時唔識比反應，只可以甜甜一笑
「一唔一齊去飲茶呀？」阿年嘅手拍一拍凌御生，但卻望住夏巧莘講
「我？」夏巧莘有啲愕然
「唔怕㗎，一齊囉～遲早都一家人啦～」凌天傲以為夏巧莘係驚，但事實上夏巧莘係狀況外一樣
「吓，但--」「唔好吓啦，上車啦上車啦！」
夏巧莘正想比反應嘅時候，阿年就推住夏巧莘同凌御生行到車門旁邊
夏巧莘一臉慌張咁回頭望凌御生，希望凌御生會講啲咩
「上車啦～去飲茶啦～」凌御生忍住笑意，露出微笑，伸手摸摸夏巧莘嘅頭，就開咗車門推佢入去
夏巧莘坐咗入去，但仍然係狀況外，唔理解發生咩事


「一家人，人地有話嫁你個仔咩？」阿年坐司機位，望一望凌天傲笑道，「咁快就諗住要新抱啦阿傲？」
「我滿意。」凌天傲講完就回頭望向凌御生，「仔，你20歲啦，好好計劃下未來。」
「嗯…好呀…」凌御生點點頭
「你睇你呀，又唔同你爸講清楚，搞到佢以為我地係情侶啦…」夏巧莘細聲抱怨，但心中早就開心得花開
「有所謂咩？遲早都一家人啦～」凌御生故意逗夏巧莘道，因為佢見到夏巧莘嘅臉頰泛起紅霞

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link