[愛情走糖故]兩個人心底中不為人知嘅秘密,成為兩個人間嘅牽引: 112.快要急到瘋了

「我地又見面啦。」男人笑一笑，半蹲喺夏巧莘面前
「你…！你捉我嚟呢度做咩呀？」夏巧莘心中早就慌死了，但都要保持鎮定
「就要睇下你男朋友點樣保護你囉～」男人冷笑道，「佢同佢老豆一模一樣嘅死性，會嚟救你先奇。」
「年叔叔，御生一定會嚟救我㗎！」夏巧莘一臉倔強大聲講道
冇錯，眼前呢個男人，係阿年，係凌天傲嘅好兄弟，係由細睇凌御生睇到大嘅男人，阿年
「哈…」阿年笑咗一笑，但呢個笑容，令夏巧莘感覺身上嘅毛管都豎起晒，可怕得背後發涼，「事實會話你知，你同晴晴一樣，都係信錯人。」
夏巧莘一臉疑惑，根本就聽唔明阿年講緊啲咩
「晴晴係凌御生嘅媽媽，就係因為凌天傲冇膽！所以晴晴先會死！」阿年大聲講道，「我就要幫晴晴報仇，我要佢兩父子都要帶住悔過過埋下半生！」
「咁、咁關我咩事呀？」夏巧莘坐喺地面上盯着阿年
「小姑娘，眼神幾好呀！不過睇你堅持到幾耐～」阿年真心稱讚道，「睇下你嘅御生會唔會真係嚟救你。」


「凌御生唔係怕事嘅人，佢會嚟救我㗎…！」喺夏巧莘嘅心中堅信着，凌御生會嚟救佢
…
另一邊廂，喺社團嘅辦公室中
「年叔叔？點會呀…？」凌御生同夏巧莘見到阿年嘅時候嘅反應一樣，一臉訝異
「嗰日凌生見有人襲擊已經覺得奇怪，凌生認得其中一個人以前係跟阿年，於是就派我去查同審問捉番嚟嘅人。」阿津解釋道，「喺一輪毒打之後，佢就供出咗係阿年嘅助手指使，順籐摸瓜就查到係阿年。」
「佢早就殺咗我地幫晴晴報仇。」凌天傲淡淡地講道
「媽媽？關媽媽咩事？」凌御生不解地問，眉頭深鎖着
「因為阿年中意你媽媽，但你媽媽揀咗我。阿年知道你媽媽死咗之後就喺心中怪罪於我，覺得係因為我細膽而害死你媽媽，所以就一直密謀報仇大計。」凌天傲解釋道
「咁關夏巧莘咩事呀？佢咩都唔知㗎！」凌御生一提到夏巧莘就瞬間成個人繃緊、急燥起嚟
「因為阿年覺得，有其父必有其子。」阿津代答道，「但我諗佢話要報仇，睇嚟佢要殺咗你女朋友。」


聽到呢度，鍾家豪同夏學謙聽到「女朋友」三個字嘅時候喺心中愕然咗一下，但呢樣嘢唔係重點，重點係要諗方法救番夏巧莘
凌御生心中就更焦急，自己話過要保護夏巧莘，但夏巧莘宜家有危險，佢咩都做唔到，根本就無從入手
「阿津你唔係話跟住佢㗎咩？咁你應該知道佢地綁咗夏巧莘去邊㗎！」凌御生沖着阿津發火
「對唔係凌少，我跟甩咗…」阿津唔敢直望凌御生，只係即刻彎腰道歉
「你對唔住有咩用呀！」凌御生頓時行上前，揪着阿津嘅衣領
「阿生你冷靜啲先啦…！」鍾家豪頓時上前勸阻，捉住凌御生嘅前臂，「你就算宜家對住阿津發脾氣都冇用，不如諗下點樣搵到校花仲好啦。」
因為鍾家豪嘅勸阻，凌御生先稍為平靜落嚟
「阿津，阿年一定會番嚟。」凌天傲講道，「你明白我意思？」
「明白。」阿津點一點頭
成間房頓時安靜咗落嚟，只剩低緊張嘅氣氛


「老豆，我要親自去救佢。」凌御生開口講嘅第一句係話要親自去救夏巧莘
鍾家豪同夏學謙喺旁邊瞬間就愣住了

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link