[愛情走糖故]兩個人心底中不為人知嘅秘密,成為兩個人間嘅牽引: 113.沒有手下留情

鍾家豪之所以愕然，係因為估唔到凌御生為咗夏巧莘可以做到呢個地步
夏學謙之所以愕然，係因為估唔到原來凌御生對夏巧莘係咁在乎，將佢放喺一個咁重要嘅位置
「要幾耐先可以知道夏巧莘喺邊？」凌御生問阿津
「我會盡快搵出夏小姐嘅位置。」阿津拉一拉件衫，依舊恭敬咁講道
「快啲搵到佢嘅位置，就可以盡快令佢安全。」凌御生皺起眉頭
「放心啦，校花唔會有事。」鍾家豪心中都有啲擔心，但只係循例安慰一下在場嘅人
「嗯…」縱使凌御生嘅眉頭稍稍放鬆了點，但係臉上嘅表情仍然藏唔住對夏巧莘嘅焦急同擔心
「我陪你番去休息下先啦…」鍾家豪拍一拍凌御生嘅博頭
「唔洗。」凌御生強硬嘅語氣令鍾家豪愕然
「你唔休息夠，點搵番我家姐番嚟？」夏學謙握緊了拳頭望住凌御生


凌御生覺得夏學謙講得有道理就冇出聲，喺鍾家豪嘅陪同下一齊番咗屋企
凌御生坐喺梳化上面，雙手抱着頭，頭耷低正在苦惱中
鍾家豪望到佢手上戴住嘅手錶，一眼就睇得出唔係本來嗰隻
「隻錶新買㗎？」鍾家豪問道
「嗯…」凌御生微微抬起頭，靠着梳化嘅椅背，雙手自然地垂着，「夏巧莘送比我㗎…」
鍾家豪自知講錯嘢，又勾起凌御生嘅愁緒
「我真係好冇用…」凌御生突然冷笑一聲，鍾家豪靜靜地望住佢，「我話咗要保護佢，但係宜家佢比人捉走咗，但我就要坐喺度咩都做唔到…垃圾…！」
望住凌御生一臉自責同苦惱，鍾家豪知道夏巧莘對凌御生嘅重要性
「佢信你，你就更加應該要做到比佢睇你係值得佢信任。」鍾家豪鼓勵凌御生道，「你冷靜啲，諗下點樣去救佢好過啦～等阿津搵到據點之後，你再去救佢。」
「嗯…」凌御生合上眼，腦海中冇一刻離開過夏巧莘嘅身影


…
天色漸漸變暗，夜幕慢慢降臨
喺鐵皮屋中有兩個男人守着，一個係著背心嘅男人，一個係戴口罩嘅男人
夏巧莘靜靜地坐喺角落，耷低頭
屋內只有兩個男人吹水閒聊嘅聲音
「小姑娘你真係唔食嘢呀？」戴口罩嘅男人望向夏巧莘
夏巧莘默默搖頭
「你餓死你自己咋。」著背心嘅男人講道
「我地都唔想綁你㗎，跟order做嘢㗎咋。」戴口罩嘅男人搖搖頭
夏巧莘安靜的坐着冇出聲


呢個時候阿年行入屋內，叫咗嗰兩個男人出去
「小姑娘，你估下佢要幾多日先搵到你？」阿年伸手拉咗張摺櫈坐低喺夏巧莘面前
夏巧莘冇開口說話，心中堅信着凌御生一定會嚟，佢知道佢一定會嚟
「你真係信佢會嚟救你呀？」阿年冷笑一聲，然後眼中充滿了恨意，「佢兩父子一樣，冇膽。」
「小姑娘，我地挽個遊戲呀～」阿年緩緩企起身走到夏巧莘面前，喺褲袋中拎出一把鋒利嘅小刀，「佢地每遲一日搵到你，我就喺你身上𠝹一刀。」
夏巧莘聽到之後頓時嚇得向後縮，瑟縮到牆角，顫抖着搖頭
「呀！」
沒等夏巧莘回答，阿年已經手起刀落，喺夏巧莘雪白嘅小腿上划了一刀，傷口隨即滲出血來
夏巧莘嘅一顆又一顆豆兒般大的淚珠滑過臉頰
「今日先係第一日～」阿年微笑道，然後收起小刀，坐番喺摺櫈上

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link