「你又知佢挽我?講到底,你都係羨慕妒忌恨啫~」凌御生難得好脾氣,可以忍到劉子勤,「你咪去溝佢囉,你溝到嘅話。」
凌御生一臉囂張咁講道,仲要特登嘲笑劉子勤
「不過我諗你都溝唔到㗎啦~」凌御生揚起嘴角笑道
「因為人地心有所屬?」鍾家豪開口故意問凌御生
「唔係屬我嘅話,都唔會屬佢囉~」凌御生望一望鍾家豪道
「你兩個唱晒雙簧咁,想點啫?」劉子勤似乎比凌御生同鍾家豪講嘅嘢撩起火頭,不屑咁問道
「咁你講咁多關於夏巧莘嘅嘢又係想點啫?」凌御生反問番轉頭
「幫校花睇下佢嘅人值唔值得佢晒時間啫~」劉子勤笑道
「你係佢邊位?」凌御生側側頭問道,「佢老豆定佢細佬?」
「夏學謙好似都冇出手阻止,咁…」鍾家豪望住凌御生講完,就緩緩望向劉子勤,「幾時輪到你講嘢?」


「番上去啦,唔洗同佢講咁多,反正都唔會將佢放喺眼裏面。」凌御生聳聳肩,轉身就行
鍾家豪嘅笑容明顯係嘲笑劉子勤又做蠢事,然後就追上凌御生嘅步伐
兩個人上到3樓,但似乎劉子勤仍然死心不惜要挑釁凌御生直至佢出手打佢
「你中意校花,咪又係因為佢個樣~」劉子勤故意追上嚟講,「扮咩情聖啫?」
凌御生就嚟忍唔住,而且劉子勤偏偏要喺3樓呢度講,佢無非都係想大家都聽到啫
「唉…」凌御生嘆咗一口氣,然後轉身望住劉子勤,「你真係好煩,我中意佢啲咩同你有咩關係?會影響到你咩?」
「咁即係你真係因為中意人地個樣啦~」劉子勤望一望身邊嘅同學,好似奸計得逞一樣揚起嘴角笑
喺課室嘅嘉怡聽到出面有人講緊校花,即刻就拍夏巧莘
「你聽唔聽到出面講緊你?」嘉怡問
「冇留意。」夏巧莘回答


「你想否認呀?」劉子勤當住大家嘅面問,目的就係要落凌御生面,因為佢一直都睇凌御生唔順眼,「你要做情聖呀嘛~好!夠膽就喺呢度話比大家聽你係咪中意佢!」
鍾家豪企喺隔離一頭霧水,但總覺得劉子勤想推凌御生去死、落佢面嘅行為,反而似幫咗凌御生一把
「我點解唔夠膽呀?」凌御生挑起眉無奈咁笑道,「叫埋夏巧莘出嚟,當住佢面講都得。」
大家都企喺度睇好戲,大家都想知接住落嚟嘅劇情發展
夏巧莘同凌御生之間嘅關係一直喺學校其他同學眼中,都係一個謎一樣,冇人知道真正嘅答案,除咗鍾家豪、夏學謙知得一清二楚之外,就算係軒軒同阿文都只係知啲唔知啲
凌御生轉身走向夏巧莘嘅課室,夏巧莘抬起頭輕皺着眉頭望佢
「出嚟。」凌御生行到夏巧莘嘅坐位旁,伸手捉住夏巧莘嘅手腕將佢拉起,夏巧莘一頭霧水咁就比凌御生拉咗出去走廊
「想挽咩花樣呀凌御生?」劉子勤眉頭一皺
「回答你嘅問題。」凌御生莫名其妙又有番啲自信
夏巧莘都未搞清楚發生咩事,微微抬頭望凌御生


嘉怡跟喺夏巧莘尾出去,企喺課室嘅門口
鍾家豪企喺一邊,默默咁望住呢齣愛情片上映
「我的確係中意夏巧莘,呢個係事實。」凌御生氣定神閒咁講道
其他人即刻起哄,因為收到猛料,估唔到原來佢兩個真係有關係
「至於我中意佢啲咩,唔洗同你交代。」凌御生望住劉子勤,「因為佢清楚知道就足夠。」
劉子勤唔忿氣,因為凌御生真係夠膽當眾咁樣講比大家知,而咁樣助佢一把嘅人,就係劉子勤自己
佢本來以為凌御生一定同所有人一樣膚淺,只係因為夏巧莘嘅外表而中意佢追求佢
鍾家豪望到劉子勤因為敗北而臭嘅臉忍唔住笑咗出嚟

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link