《毒L和初戀相識的日子》: 第十三章 優點(中)

第十三章 優點(中)

「到妳喇喎。」我同Winnie講。

「男班長嘅優點，我覺得都有好多嘅。」

真係咩？毒L都會有優點？

「例如守時啦，約親出街都會早到。」



「同埋細心啦，玩過一次「九宮格」就記得我中意d咩。」

「仲有勤力啦，上堂會認真抄notes。」

「做咩唔出聲阿，男班長！」

「我都唔知講咩好.... 你講嘅嘢我自己都唔覺...」

「哈哈。識咗你一個月，你比我嘅印象係咁嘛~」Winnie回應。



「好喇，夠鐘。依家將會請大家輪流出嚟，講吓大家同組戈位同學嘅優點同埋值得學習的地方。每人最多講兩分鐘，計分㗎。」Billy sir 講。

「好，有請第一位，李逸賓同學。」

(拍手聲)

過咗十幾個人之後:

「ok, 跟住有請陳旭祖同學。」



班上傳嚟一片拍手同歡呼聲。

「大家好，我抽倒嘅人係Winnie啦。」

「Woo~~」阿Paul,晴晴,家怡等人又再歡呼。

「咁首先我講吓佢嘅優點。我覺得Winnie好樂於助人，例如見倒英文底唔叻嘅同學會主動幫佢。」

「同埋佢好守時，例如番親學都準時啦。」

「另外佢都好勤力，成績又幾好。」

「至於Winnie值得我學習嘅地方，我覺得係同人嘅溝通技巧。因為我本身就講嘢唔叻，而女班長就好善談。呢樣係我要向佢學習嘅。」

「我嘅分享到呢度，多謝。」



班上再次傳嚟一片拍手同歡呼聲，而我講完之後行番埋位。

「講得幾好喎。」Winnie好滿意咁講。

「係咩，哈哈 。」

其實我鼓氣咗好大勇氣，先夠膽喺班上面講出嚟。




妳嘅優點，好值得我學習。