《毒L和初戀相識的日子》: 第五十六章 塔門之旅(一)

第五十六章 塔門之旅(一)

眨吓眼已經到星期日喇。我一早起咗身，梳洗之後就準備落Winnie屋企整pizza。

時間去到九點，我Whatsapp咗Winnie，佢話可以落去喇。

我落到去，就同佢一齊去廚房整pizza。由於Winnie已經整好咗個麵團，所以跟住落嚟嘅步驟係 搽茄醬同放D材料落去，之後拎去焗就攪掂。

雖然我參與唔多，不過都算係同Winnie一齊整吖。



焗完之後，味道十分之香。我地放咗入個大型食物盒，之後就出發喇。

Winnie有一袋嘢同一個背囊。我見Winnie個背囊都好重吓，於是我就話:「幫妳拎袋嘢喇。」

「好呀，唔該哂你喎，男班長。」Winnie好滿足地回應。

「洗咩客氣吖，我地咁熟。」我笑笑口地回應。

而Winnie就對住我甜笑。



落樓之後，我地搭巴士再轉火車，十一點半喺大學站落，之後再行去馬料水碼頭，步程約二十分鐘。

到碼頭之後，就見倒阿Paul、晴晴、家怡同Chirsty已經到咗。

「你地到咗喇？」阿Paul問。

「係呀，仲差阿俊同Jenny？」我問。

「佢地行緊嚟喇。」晴晴回應。



「你地整咗咩食呀？」Chirsty問我同Winnie。

「妳一陣就知啦。」Winnie回應。

話咁快阿俊同Jenny已經到埋。

「唔好意思呀，遲咗少少。」阿俊尷尬地同我地講。

「唔緊要啦，都唔係遲好多姐。」晴晴回應。

我地買咗船飛，十二點五架船就駛到嚟。我地一一上船，我地坐咗兩排位。

一個鐘多啲之後就到達塔門喇。我地一落船，經過海傍街，之後沿小路一直行上去，好快就到達我地野餐嘅地方: 塔門草原。

遠離市區嘅塔門草原面積好大，一大片綠色嘅草原，景致開闊，令人十分舒適。眼前係一望無際嘅大海， 環境好清靜。



比起長洲、大澳等離島，塔門呢個地方可以話係最少民居，亦都唔太出名。遠離市區嘅煩囂，大片嘅草原令人心曠神怡。

我地搵咗草原嘅其中一個位，晴晴就拎出一張好大嘅野餐墊。然後，我地各人都圍咗個圈咁坐咗喺度。

「我地大家拎咗啲嘢食出嚟放喺中間先啦。」晴晴對大家講。

阿Paul拎咗一大盒什果沙律同埋兩排檸檬茶出嚟，晴睛就拎咗一盒蜜糖雞翼，阿俊拎咗一盒腿蛋治，Jenny拎咗一盒壽司卷，家怡就焗咗一盒曲奇，Chirsty焗咗小型嘅朱古力蛋糕。

好戲在後頭，之後我同Winnie拎咗盒pizza出嚟。

「嘩，原來你地一齊整pizza？」Chirsty驚喜地講。

「估你地唔倒喎。」Jenny回應。



我再將個盒打開，一陣陣香味飄出嚟。

「嘩，好香呀！」晴晴陶醉地講。

「Wow，好yummy咁喎。」家怡眼定定望住盒pizza。

「啲pizza肯定會好甜啦。」阿Paul奸笑地講。

「係囉，實甜死人啦。」阿俊加埋把嘴。

眾人都喺度笑。

「食嘢啦你地，講咁多嘢。」Winnie向阿Paul同阿俊講。

大家整嘅食物味道都幾好，所以好快都清哂喇。



「唔知點解個pizza仲甜過Chirsty個朱古力蛋糕。」阿Paul諷刺地講。

「係囉，超甜呀。」阿俊笑笑口回應。

「啱呀。」Jenny回應。

「我都覺呀。」Chirsty回應。

「I think so，haha。」家怡回應。

「唉，你地唔好串人啦。」晴晴笑住咁回應。

我同Winnie對望，笑而不語。



我地收拾物品之後，就準備玩Winnie同晴晴準備嘅小遊戲了。唔知佢地諗咗啲咩遊戲比我地玩呢？






其實，我都覺得個pizza好「甜」。