《毒L和初戀相識的日子》: 第五十七章 塔門之旅(二)

第五十七章 塔門之旅(二)

「我地準備咗幾個遊戲，咁依家就開始玩喇。」晴晴對大家講。

「第一個遊戲大家都肯定玩過㗎喇，真心話大冒險。不過玩法有啲唔同，今次個玩法係抽紙仔，同埋淨係問一條問題。」

「大家眼前盒入面有十六張紙仔，每張都寫咗人名，同一個名寫咗落兩張紙仔。我地抽十張啦，睇吓大家運氣。抽中咗戈個答完問題就抽下一個啦。」Winnie對大家講。

「咁邊個抽先？」阿俊問。



「不如晴晴抽先啦。」Winnie回應。

各人都同意。之後，晴晴就抽咗第一張紙仔，大家都覺得好緊張。

「第一個係... 你呀，阿Paul。」晴晴對大家講。

「大家有咩想問？」阿Paul問大家。

「不如比番晴晴問吖。」Jenny回應。



大家都點頭同意。

「好。阿Paul，我地第一次兩個人單獨去街係去做啲乜？」晴晴問。

嘩，我以為會問啲好難答嘅問題添。不過，阿Paul好似唔記得咗。

「Er...」阿Paul苦惱地諗緊。

「有冇搞錯阿，諗咁耐！」晴晴不耐煩地講。



「我記得喇，第一次單獨去街係一齊去睇戲。」阿Paul突然記番起。

「諗咁耐㗎。」晴晴有啲不滿。

之後到阿Paul抽第二張紙仔。

「係家怡呀。」Paul對大家講。

「Okay, 你地想問啲咩？」家怡問大家。

「我想問呀。」阿Paul積極地講。

「好，你問啦。」家怡回應。

「想知你嘅感情狀態。」阿Paul回應。



阿Paul問完之後，晴睛怒啤佢。

「我依家... 依家係A... 1。」家怡吞吐地回應。

「咁妳抽下一個啦。」Winnie對家怡講。

「下一個係Jenny呀。」家怡對大家講。

「你地隨便問啦。」Jenny對大家講。

阿俊示意想問，咁冇人同佢爭啦。

「我想問嘅係我地一齊之後，令你最難忘嘅事係咩？」阿俊問Jenny。



「最難忘嘅嘢？嗯，你戈次特登去我番part time戈度接我收工，突然之間出現，咁我覺得好難忘嘅，到依家都記得。」Jenny甜笑地回應。

即使係幾細微嘅嘢，啲女仔都會記得好清楚。

我地全部人都拍哂手，而阿俊就喺度傻笑。

「咁我抽下一個喇。」Jenny對大家講。

「第四個係妳阿，Chirsty。」

「你地有咩想知？」Chirsty問。

其實我地同Chirsty都唔係太熟，晴晴見冇人想問佢就主動問。

「咁等我問啦。Chirsty，妳有冇男朋友？」晴晴問。



「冇呀。」Chirsty害羞地回應。

跟住Chirsty就抽第五個人喇。

「Winnie，係妳呀。」Chirsty同Winnie講。

「好呀，大家有咩問題？」Winnie問。

呢個時候大家嘅眼神都望向我度。

「望咩喎，你地都可以問㗎。」我對大家講。

「唉，等我幫你問喇。Winnie，妳中意嘅男仔係咪喺沙田I大讀書㗎？」阿Paul問Winnie。



其實呢個問題我一早已經知答案，只係我仲需要啲時間。

「係呀係呀。」Winnie爽快地回應。

大家都喺度歡呼。

「咁我抽下一個喇。」Winnie對大家講。

「係你呀，男班長！」Winnie對我講。

唔知佢地會問我啲咩問題呢......







好耐冇玩過呢個遊戲喇。