第七十章 紀念日

話咁快今日已經係12月31號,Winnie早兩日由大陸番落嚟。我地喺呢段日子都有靠sms去聯絡。

至於我,聖誕節戈時都同咗阿Paul、晴晴、阿俊同Jenny一齊唱K。雖然Winnie唔喺度,不過我都冇再頹喇。

喺同一日,晴晴送咗兩張《紀念日》嘅電影優先場嘅飛我,叫我約Winnie去睇。而日子正正係12月31號,時間係夜晚九點半。戲院係尖沙咀間UA。呢套戲特別嘅地方係方力申同埋鄧麗欣交往十週年嘅作品。

我計劃咗首先去食飯,之後睇戲,再去倒數。而Winnie都同意。我約咗佢五點喺樓下等,點知佢遲到,大約五點九先出現。



「唔好意思呀,遲咗添......」Winnie有少少尷尬咁同我講。

「唔緊要啦。不過唔似妳喎,平時唔會遲到㗎~」我回應。

「你都知我屋企有問題㗎啦,所以先遲到。我都唔想。你唔會怪我掛?」Winnie怒啤住我。

「點會怪妳吖,我地嘅關係咁特別~」

「哼,有幾特別先?」



「咁囉。」

我終於踏出咗第一步,拖住咗Winnie隻手。

「行囉我地。」我向Winnie講。

之後,Winnie面紅紅咁同我拖住手行。

我地搭車出咗去食嘢。由於係除夕夜,好多餐廳都爆哂。不過,我一早知會咁,所以早兩日就打咗去Winnie朋友個家姐開嘅cafe訂位。



「好醒喎,男班長。仲識得訂位添。」Winnie表情好滿意。

「洗乜講~」我回應。

我地食完嘢之後係八點正。於是,我地由登打士街慢慢行去尖沙咀ISQURE間UA。一路上,我地都拖住手。我有一種重未感受過嘅感覺。莫非,呢種感覺係叫幸福?

套戲內容主要係講小方同Stephy結咗婚十年,十年之間佢地累積咗好多問題。終於,有一日鬧大交,兩個人分開咗。到最後,佢地兩個各自咁啱都決定去瑞士旅行,喺等的士去機場戈時傾好咗,決定喺番埋一齊。

「你覺得套戲點?」Winnie喺影緊片尾字幕戈時問我。

「幾好睇吖,都叫係Happy Ending。同埋張繼聰戈段都好感動。」

「我都覺得幾好睇呀,情侶之間鬧完交之後和好,關係會更加好。」Winnie回應。

行出戲院之後,時間已經係十一點半。我同Winnie行到去尖東海旁準備倒數。



「新一年有乜願望呀,男班長?」Winnie問我。

「可以一直同妳一齊囉。」我直接地回應。

「成日都口花花㗎!」Winnie笑住講。

此時,維港對岸嘅大廈已經開始倒數。海旁嘅人都好投入。到最後五秒,大家都一齊嗌:「五、四、三、二、一,Happy New Year!!!」

正式,踏入2016年了。

倒數完之後,就同Winnie一齊搭番西鐵番屋企。我地一直Keep住拖手,直到番到屋企地下大堂。

「考試記住溫書呀,男班長!」Winnie入lift之前同我講。



兩日考試都喺Hall考,分別係1月5同8號。

「好嘅!」

「咁我地再約啦,拜拜喇~」

「拜拜。」






只要有妳喺身邊,每日都會係「紀念日」。
已有 0 人追稿