《毒L和初戀相識的日子》: 第八十五章 曖昧

第八十五章 曖昧

喺差唔多落堂戈時，我行出咗班房去廁所。去完之後喺走廊，見倒有一個男仔喺班房度門偷望入去。

「你係咪搵人呀？」我問。

「係呀，我... 我等Mandy放學。」佢尷尬地回應。

「Mandy? 係咪即係家怡呀~？」



「係... 係呀。」

「你係佢朋友？」

「我係佢... 好朋友。我叫阿文。」

「好呀，咁我幫你同佢講吖~」

「唔該哂。」



我行番入班房。今日我同Winnie坐窗邊最後嘅二人位，而家怡同Christy坐我地前面。

「有個男仔等你放學呀，叫阿文喎。」我番埋位之後細細聲同家怡講。

「Oh，我知呀，佢Whatsapp咗我喇。」家怡有啲不知所惜咁回應。

「邊個係阿文呀~？」Chirsty問。

「係囉，我都想知呀~」Winnie回應。



「多事啦你地。人地讀幼兒教育㗎~ 識咗唔係好耐，同佢仲係好朋友~」家怡面紅紅咁回應。

「真係淨係好朋友？」Christy問。

「係呀。」家怡回應。

「咁妳覺得你地有冇發展機會先？」Winnie問。

「我覺得，我同佢可以話係曖昧緊啦。咁呢個世界咩都有機會嘅~」家怡回應。

「祝你地好運啦~」Christy回應。

「Okay. If you do not have any question about this lesson, you can leave now. See you all next week.」Miss Yip對全班講。

落堂之後，家怡好快就走咗出班房出面同阿文一齊走咗喇。



「哈哈，都未見過家怡咁嘅樣~」Winnie講。

「睇嚟好事近喇~」Christy回應。





回想番幾個月之前，我同Winnie都曾經曖昧過。相信家怡同阿文遲早都會有進一步發展。