《毒L和初戀相識的日子》: 第一百五十七章 新同事(中)

第一百五十七章 新同事(中)

晴晴傳送了一個信息:
「今日晏晝同你食飯個女仔邊個嚟㗎？」(19:58)

睇怕係家怡同咗佢講。

我回覆:
「新同事囉，點解咁問嘅？」(20:03)



晴晴:「真係新同事咁簡單？」(20:06)

我:「係呀，人哋今日第一日嚟番工，入咗我個部門。咁佢唔熟路吖嘛，我咪同佢食飯囉。」(20:09)

晴晴:「咁我信你啦。如果比我發現倒你有嘢暪住Winnie嘅話，你就後果自負。」(20:15)

今晚原本約咗Winnie開Skype傾計，不過佢臨時話有事，過幾日先再傾喎。

我當時都冇察覺到有咩奇怪，因為佢都唔係第一次臨時有嘢做而取消上網傾計。



過咗一日，番到公司，我好似琴日咁教阿婷做嘢。

「Joseph呀，不如今日都一齊食飯囉？」阿婷喺空檔戈陣問我。

「好呀。」我爽快地回應。

到放lunch，我哋都係去番琴日去戈間茶餐廳，不過今日冇撞倒熟人。

「你喺呢間公司做咗幾耐呀？」阿婷問。



「幾個月囉，做咩咁問嘅？」

「冇呀，八卦吓姐，哈哈。我見我哋部門最後生嘅人就係你。」

「係呀，所以佢哋先委派咗我去教妳做嘢，話易啲溝通喎。」

「原來係咁呀~」

之後幾日番工都係教阿婷做嘢，同佢嘅關係亦都漸漸親近咗。

幾日之後亦都終於到咗同Winnie傾計嘅日子，不過我估都估唔到佢竟然放咗我飛機。

我準時開定部電腦，等極都唔見佢online。我用Whatsapp問佢，佢冇覆到機。

於是，我決定瞓覺了。番咗一日工都冇乜精神再去等佢。



不過，呢個決定我後悔了。喺我第二朝起身戈陣，拎起個電話見倒Winnie send咗幾個信息比我，內容是咁的......




比人放飛機嘅感覺並不好受......