《毒L和初戀相識的日子》: 第一百六十六章 見面無期

第一百六十六章 見面無期

電話顯示:「來自阿婷的1個信息」

「Joseph，我今日已經遞咗信喇，因為我始終唔慣呢度嘅工作環境，同埋人工太低喇。多謝你之前咁認真教我做嘢~ 遲啲得閒出嚟食飯吖~」(18:25)

原來佢遞信嘅原因係咁。我諗心一層，其實咁都好嘅，唔洗再比人誤會了。

到咗夜晚，喺同Winnie傾計期間，我將呢件事同咗佢講，佢聽完之後我feel倒佢覺得幾開心。



另外，其實我一直都有個問題想問咗佢好耐，不過一直都冇問。

今日，我決定去問佢。

「Winnie呀，其實我有樣嘢想問咗妳好耐。」我向Winnie講。

「好呀，你問吖。」Winnie回應。

「其實妳會唔會番嚟香港㗎...？之前話放假會番一番嚟過㗎...」



「我夠想番嚟見你啦，不過你都知呢啲嘢唔係我話倒事㗎~」

「咁伯母同妳最近有冇打算番嚟...？」

「暫時都冇呀...」

「咁我飛過去搵你吖。」

「唔得喎，我唔想你嘥哂啲錢呀。我哋繼續咁樣先啦。我應承你不久嘅將來，我哋一定可以見面。」



「真係？」

「係呀。」

我同佢仍然唔知幾時先可以見面。

始終喺螢幕見面同埋真實見面係有分別嘅，不過呢個問題都好難解決，我唯有繼續等待我哋見面戈日嘅來臨。

幾日之後，我如常番工，一番到去主管又搵我。

「Joseph呀，今日又有個新同事嚟呀，你幫我接佢落嚟吖。」主管向我講。

「好呀。」我回應。

我隨即行樓梯上去人事部，心諗: 唔知會唔會又嚟個女同事呢。



我上到去人事部，唔見有新人，於是我問吓人事部嘅同事。

佢表示戈位新同事去咗洗手間，叫我稍等一陣。




唔知戈位新同事係咩人呢？