《毒L和初戀相識的日子》: 第一百七十一章 男生的眼淚

第一百七十一章 男生的眼淚

過咗大約半分鐘，阿俊終於出聲。

「我同Jenny... 鬧咗交呀.... 一陣打牌先... 先再詳細講啦......」阿俊無奈地向我講。

「好啦...」我回應。

等咗大約五分鐘多啲，David都嚟到喇，我哋三個一齊上去Zoe屋企。



入到屋，阿俊就話要去廁所，而我、David同Zoe就喺客廳開定枱等阿俊出嚟。喺等候期間，我哋傾咗一陣閒計。

「你哋兩個搞成點呀？」Zoe問我。

「佢原諒咗我喇，我哋已經和好咗~」我笑笑口咁回應。

「咁咪幾好囉~」Zoe回應。

「都係多得妳教我用戈個方法咋。」我回應。



「洗乜講，我最清楚佢嘅性格~」Zoe回應。

「咁用咗咩方法阿？」David問。

冇理由話我扮細路嘅語氣，拍咗段道歉片段㗎。正當我唔知點答佢嘅時候，Zoe幫咗我解圍。

「我遲啲再同你講啦~」Zoe對David講。

「好啦。」David回應。



「你唔好再激嬲佢喇！如果再有下次我都冇辦法㗎喇。」Zoe認真地向我講。

「知喇。」我回應。

「嘩，乜阿俊去廁所去咗咁耐嘅？」David向我哋講。

「佢可能肚痛呢，不如我哋洗住牌先啦。」我回應。

「好呀。」David回應。

從麻雀箱中倒出整副麻雀到枱上，我哋三個洗完牌，同埋疊好牌，阿俊都仲未出嚟。

「搞手仲未出嚟㗎...」David向我哋講。

「洗唔洗去睇吓佢呀？」Zoe問。



「好呀。」我同David點頭回應。

我哋三個行到關上的廁所門前，聽倒廁所入面有把男人嘅哭泣聲。

我、David同Zoe都感到非常驚訝。




識咗阿俊接近兩年，佢都未試過喊成咁，究竟發生咗咩事呢...？