《毒L和初戀相識的日子》: 第一百八十七章 送別

第一百八十七章 送別

來自Christy的一個信息
「多謝你哋今日嚟送我機喎，一陣見。」(14:45)

我出發去機場。仲記得上次去機場係Winnie離開香港當日，當時我去到之後已經發現趕唔切喇。

到咗機場嘅一號客運大樓，入到去我見倒阿Paul同埋晴晴已經到咗。

等咗一陣，阿俊同埋家怡先後都嚟到，而Christy仲未出現。



時間到咗大約四點十分，佢終於嚟到喇。佢一個人拎住一個行李篋，同埋孭住一個背囊。

「Hello，好耐冇見喇~」Christy向我哋講。

「你屋企人呢？」晴晴問。

「佢哋車咗我嚟機場之後就走咗喇。我依家去check in先。」Christy回應。

佢自己去櫃檯排隊check in，而我哋就喺後面等佢。



「你哋諗住幾時送禮物比佢？」阿俊問。

「一陣佢入離境大堂之前先啦。」家怡回應。

Christy check in之後，佢個行李箧已經託運咗。

我哋陪佢行去離境大堂，不過佢話要去個廁所先。家怡同埋晴晴陪埋佢去，而我、阿Paul同埋阿俊就喺出面等佢哋。

「Jenny今日唔嚟嘅~？」我問阿俊。



「係呀，佢要番工呀~」阿俊回應。

「番咩工？」阿Paul問。

「都係part time咋嘛。」阿俊回應。

「你哋冇再鬧交喇可？」我問。

「冇喇。」

佢哋三個出番嚟之後，我哋就行去離境大堂。到達之後，晴晴終於拎份禮物出嚟。

「我哋有份禮物送比妳呀，Christy。」晴晴向Christy講。



晴晴將一份包住咗嘅禮物遞向Christy，而佢即刻拎住。

「多謝你哋呀。」Christy回應。

「你去到紐西蘭之後都要繼續搵我哋呀~」晴晴回應。

「係呀，去到戈邊得閒咪搵吓我哋囉~」阿Paul回應。」

「Christy，我祝你喺戈邊一路順風啦。」家怡向Christy講。

「我就祝你喺戈邊讀書順利啦。」我向Christy講。

「咁我就祝你喺戈邊搵倒一個男朋友啦~」阿俊向Christy講

「嗯，多謝你哋。Joseph呀，我都祝你同Winnie可以一直順利落去~」Christy回應。



「多謝妳。」我回應。

「咁拜拜喇大家，我番嚟香港之後一定會搵你哋。」Christy向大家講。

時間都差唔多喇，Christy拎住護照以及登機證行入離境大堂。

喺入去之前，佢向我哋揮手道別，而我哋都向佢揮手。

佢終於入咗離境大堂喇，而我哋都走喇。

仲記得第一次同Christy熟係兩年前I大英文說話堂，當日佢比我嘅感覺係覺得佢好有高貴氣質。

直到今日，依個感覺都冇改變過。兩年咁就過去了，時間真係過得好快。



搭車番去戈陣，Zoe約我聽晚出嚟食飯，我答應咗佢，而地點係一個已經好耐冇去嘅地方。





我對戈個地方充滿回憶。