《毒L和初戀相識的日子》: 第一百八十八章 充滿回憶的地方(上)

第一百八十八章 充滿回憶的地方(上)

Zoe約我聽晚去Winnie朋友家姐開戈間樓上cafe，位於旺角登打士街嘅一幢大廈。

間樓上cafe充滿咗我同Winnie之間嘅回憶。

戈度係一間燈光昏暗，每次去都係冇乜客嘅cafe。另外，每次去都會播唔同嘅歌。

我都去過幾次喇，戈度除咗飲品之外，仲有唔少種類嘅西式食物。啲食物都幾有水準，特別係煙三文魚意粉同埋芝士煙肉pizza。



自從Winnie去咗英國之後，我就冇再上過去食嘢喇。即係話我已經好耐冇去喇，希望聽晚去戈陣啲食物水準可以保持倒啦。

仲記得當時同佢去戈度，我同佢仲未喺埋一齊，仲係朋友嘅關係。

當日第一次去係佢推介戈度比我嘅，我原本都唔知有呢間cafe。

同佢每次上去都坐一段時間先走，因為戈度環境比較靜，我哋坐喺度傾計都可以傾耐啲。

每次去到都係佢朋友個家姐招呼我哋，不過我到依家都仲未知佢口中戈位朋友係邊個。



可能Zoe都識戈位朋友，所以先叫我去戈度。我決定聽晚問吓佢先。

我搭機場巴士由機場番到屋企喇，天色亦都逐漸轉黑，代表星期日已經差唔多完結喇。

夜晚戈陣食完晚飯，打咗陣機就瞓喇，瞓醒之後又要番工喇。

星期一嘅早上，我準時番到公司。阿輝今日請咗病假，即係話今日可能要做多少少嘢。

我就冇乜所謂嘅，不過其他同事都有少少怨言。



雖然今日嘅工作量比平時多咗少少，不過全靠大家嘅努力，最後我哋可以唔洗ot。

我準時收工，之後就直接出旺角。Zoe約咗我喺戈間樓上cafe嘅地下等。

我到咗之後見唔倒佢。等咗大約五分鐘，佢終於出現喇，手上拎住一部notebook。

「Hello，好耐冇見喇。」Zoe向我講。

「Hi，唔係好耐姐。咦，David呢？」我問。

「佢去咗日本旅行，星期五先番嚟呀。」

「咁妳今日約我出嚟做咩~？」

「我哋都好耐冇見啦嘛。同埋一陣會有個神秘活動㗎。」Zoe回應。






唔知佢又想玩咩呢？