《毒L和初戀相識的日子》: 特別篇(上)

特別篇(上)

---七個月後---

Winnie七個月前番嚟香港住，最開心嘅應該係我喇。佢繼續住我樓下，伯母亦都番咗嚟。佢哋兩個一齊住，有時伯母會邀請我去食飯。

佢哋決定重新番嚟香港定居嘅原因係因為喺戈邊住唔慣，生活文化有好大差異。例如語言係用英文溝通，不過伯母嘅英文唔太掂。另外，飲食文化同香港都好唔同，好難食倒港式嘅食物。加上，Winnie唔中意喺戈邊讀書，因為個課程太趕令到佢跟唔倒。

所以呢，佢哋決定重新番嚟香港定居。喺番嚟之前，原來Winnie搵咗晴晴同佢夾定先。咁啱佢喺IU 演唱會戈日番到嚟，晴晴去咗接機同埋比演唱會飛佢。之後佢直接喺機場去博覽館搵我。呢件事後來Winnie先同番我講。



至於我哋嘅近況，我都係繼續喺粉嶺戈間公司做，放工戈陣多數即刻去搵Winnie。

Winnie去咗佢朋友個家姐喺旺角登打士街嘅樓上cafe到做part time，即係我同佢去過幾次戈間，一星期番三日。佢打算九月再喺香港搵書讀。

阿Paul同晴晴喺City U讀書讀得幾順利，今個月開始放假，有一個悠長嘅sem break。

阿俊同Jenny舊年十二月入咗同一間公司做，份工係我地HD個班主任梁sir介紹比佢地，做得都幾開心。

David喺I大畢業之後都搵咗份長工做，而Zoe就仲讀緊書。



家怡同我一樣都係繼續喺粉嶺戈間公司做，佢同喺公司識嘅男朋友Kenneth仲好幸福咁一齊緊。

Christy繼續喺紐西蘭讀書，放假都冇番嚟香港過。聽講佢喺戈邊識咗個外國男朋友。

阿添、阿明同埋阿安都繼續喺之前實習間公司度做，阿明同阿安繼續同佢哋個女朋友好幸福咁喺一齊，而阿添就仲未脫單。

阿文自從同家怡分手之後就冇同我地聯絡喇。至於同阿文同班兼係中學同學嘅Nicole，佢同家怡繼續咁friend。

我個friend Leo就繼續喺Poly讀書，出年就畢業喇。間唔中都有同佢食飯。



我同事阿輝都仲同戈個女仔一齊緊，而我哋亦都繼續喺同一個部門度做嘢。

今日收咗工之後，我出咗去旺角戈間樓上cafe搵Winnie。

一上到去就見倒Winnie朋友個家姐。

「你搵Winnie呀？」佢問。

「係呀~」

「咁我叫佢出嚟吖。」

隔咗一陣，Winnie行出嚟。

「你嚟咗呀~？」Winnie滿臉笑容咁同我講。



「係呀，等妳放工呀~」我回應。

「咁你等多我一陣啦。」

佢放工之後，我哋去咗附近一間食雞湯米線嘅舖頭食嘢，等咗一陣終於有枱。

「做嘢辛唔辛苦~？」我問。

「少少啦，見倒你咪唔辛苦囉~」

「係呢，我阿媽叫我問你聽晚去唔去我屋企食飯喎~？」Winnie補充。

「我ok呀~」



「咁就好~」

呢間舖嘅面積比較細，所以枱與枱之間嘅距離好近，隔離枱講緊啲咩都聽得一清二楚。

我哋隔離枱坐咗一對情侶，佢哋講緊之前去韓國旅行嘅嘢，令到Winnie諗番起晴晴提議去旅行嘅事。

「係喎，晴晴話想遲啲我哋一班人去旅行呀~」Winnie向我講。

「講咗好耐啦，不過一直都就唔倒時間~」我回應。

晴晴一直都想我地一班人去畢業旅行，不過Winnie戈陣喺英國，加上我、David同家怡啱啱番工又拎唔倒假，時間就唔倒，所以一直都拖住先。

喺半個月後，我地終於夾倒時間。我哋決定咗去台北玩四日三夜，去嘅有我、Winnie、阿Paul、晴晴、阿俊、Jenny、David、Zoe、家怡同Nicole。

行程方面主要係由晴晴同Winnie plan。阿Paul幫大家book機票同酒店，之後再夾番錢比佢。



四日三夜嘅行程十分豐富，我哋將會去台北101、西門盯、十分車站放天燈、總統府同埋夜市等等。

喺旅行嘅第一日，我哋約咗朝早八點半喺機場等。當然我約咗Winnie一齊去，我哋約咗喺樓下等。

「早晨呀，男班長~」Winnie拖住個喼行過嚟。

Winnie一直都係稱呼我做男班長，因為佢已經叫慣咗。

「早晨呀，行囉我哋~」

「等等先，妳帶齊護照同入台證未㗎？」我補充。

「帶齊喇。咁你呢？」



「我梗係帶齊。咁行囉。」

到咗機場會合埋佢哋，大家都好準時到。我哋十個正式出發去台北。



十分期待今次嘅台北之旅。