我行嘅路線一個人都無,亦都無乜人識行,因為呢個路線全部都係巷仔嚟,所以果句嘢,好明顯係對住我講,我轉身望向去聲音嘅方向,係我眼前係三個大概廿幾歲,米七高嘅男人,佢哋三個嘅樣完全一模一樣,睇嚟應該係三兄弟,

「係,請問有咩事呢?」

為咗唔惹麻煩,所以要有禮貌啲。

「你!係咪超能力者!」

超能力者?睇嚟呢三個人隊咗唔少草,不過我都幾好奇如果佢哋見到真正嘅超能力會有咩反應。





「我唔係幾明你講緊啲咩」

我講完呢句嘢之後,佢哋就越行越近,嚟到我面前不足兩米嘅距離,

「邊有可能!明明老大俾嘅地圖就寫住有能力者係我哋面前!」

唔知係我錯覺定佢哋太有默契,佢哋講嘢好似一直都係異口同聲...

我望一望佢拎係手嘅地圖,的確有四個紅色點係度,但係呢張地圖明明只係張紙,點解佢啲紅點會識發光嘅?





越諗越唔對路,所以我決定逃走先,正當我諗住走嘅時候,佢哋格硬講多句。

「果然係能力者!殺!佢聽到關於組織嘅事!」

唔係你自己講出嚟架咩...

之後佢哋三兄弟隻右手同時發光,下一秒已經變咗劍,矛同盾,竟然仲有其他人有超能力,而且應該唔少嘢,當我仲思考緊嘅同時,劍同矛男已經向我發起咗進攻!

好彩利用貓嘅柔軟度,我都算係勉強避開咗,但係身上都仲係有啲小傷痕,再咁避落去都唔係辦法,呢幾條友真係想殺咗我!





點算好,呢個情況...就咁做。

由於呢條巷仔上面就係住宅,所以一定會有窗係對住呢邊,而且一定會裝窗花,果不其言,三樓就有個小露台,我用兔仔嘅彈跳力一下就跳到兩層樓高,不過唔夠,而且無落腳點,唯有用果樣嘢啦...我合上雙眼,然後開始想像果樣唔確認真假嘅動物-翼龍

下一秒,我身後就多咗一對翼,感覺有啲唔自在,但係一啲都唔重,因為呢對翼只有翼龍40%嘅大細,啱啱好可以係呢度伸展,

好彩翼龍真係存在過,而且威力比起平時嘅動物竟然強咁多,但係由於係第一次用,所以我拍一下翼就飛到咗五樓,但係反而仲好,因為呢度有鐵欄杆,我捉住佢然後用力咁扯佢出嚟,暫時當係武器嚟用。

我控制住平衡落返去一樓,跟住再收返對翼降落到地下,佢哋即係衝埋嚟猛攻!

「呢種能力用係你身上真係可惜!俾我用嘅話一定用曬嚟玩女人!」

佢哋一路攻擊一路講,但係我無作出迴避,反而用兩隻手接住咗佢哋兩把武器,用個口咬住把欄杆,因為把欄杆只係好細把,雖然我有潔癖,但係呢個時候唔算得上啲咩,因為...佢哋已經激嬲咗我...

「你真係垃圾嚟...」





「關你春事咩!又唔係搞你條女!」

「咁就俾你哋感受下...死咗嘅世界係點...」,我睥住佢哋。

我用右腳踢向劍男,佢隨即向盾男嘅方向飛去,令佢哋狠狠咁撞埋一齊,之後我再用右手拎番把欄杆,直接向矛男嘅心臟刺去,佢嘅胸膛隨即被貫穿,出現一個大血洞,然後訓係血泊之中,我行去淨低嘅兩個人前面,

「怪...怪物呀!!」

「你去死一死先...」

「呀!!!」

一陣慘叫聲之後,換來嘅就係一陣寧靜





...頭先發生咩事...我個頭....好暈....

「磅!!」