雖然話就話係參觀下,但係呢度哋方其實一啲都唔大,而且愛盈唔知幾時又係接待處到訓著咗,所以我就諗住帶雲零去呢度最特別嘅一間房。

嚟到間房嘅門口,只見門上面寫住「未經授權切勿進入」,而且鎖咗門。

「呢間房....係咪要好高級嘅人員先入得...咁我哋不如都係算數啦。」

雲零佢好似有啲驚咁講。

「唔係,有鎖匙就得。」





我講完之後笑一笑,然後就係褲袋一面拎咗抽鎖匙出嚟,再用一條上面寫住BC嘅鎖匙打開咗道門。

...又係呢浸熟悉嘅味道。

打開咗盞燈之後,就可以清晰咁見到一個好大嘅書架係房嘅右手面,書架上面擺住密密麻麻嘅稿,而書架嘅最上方同樣寫住咗BC,然後書架嘅對面就有一張檯同凳,張枱貼住嘅牆上面就掛住咗一個鐘,而枱上面就整整齊齊咁擺咗一啲簿同筆係旁邊。

所以簡單咁講呢間房只係擺咗好多稿嘅辦公房。

「點解你可以咁輕鬆就入咗嚟嘅...」





「因為呢間房係我架囉。」

「吓?!」

佢驚訝咁樣講。

「因為呢度簽咗約嘅作家暫時只有我一個,所以佢哋見有間吉房就順便畀咗我嚟用,之後我就每個月都會搵幾日上嚟瘋狂咁打文」

「瘋...瘋狂咁打文?」





佢又再次擺出極度驚訝嘅表情。

「即係凌晨四點到過度嚟,然後第二日嘅半夜再走,不過識咗愛盈之後就好少咁做。」

「點解佢哋會咁放心俾你自出自入嘅。」

「信任,呢度所有人,都識咗好耐,對大家都好信任。」

「係呢個社會入面....竟然會仲可以有呢種公司....係喎,咁呢度嘅老闆呢?」

「係樓下,書店店長。」

「果位...滿頭白髮嘅叔叔?」

「係,但係佢其實只係四十幾歲...」





「呢度真係特別...」

係呢個時候,言姐就企咗係房門,

「零生,你個故我已經睇完,關於出書嘅嘢可以考慮下,我約你聽日晏晝兩點上嚟討論下。」

「呀仲有!呢個係比你嘅!希仔~」

跟住佢就行埋嚟比咗支鋼筆俾我,而支筆上面刻住咗-「希」

簡潔有力,所以其實我都幾鐘意。

「生日禮物!俾定你先~」





「多謝...」

我笑住咁回答。

「鐘意就好,我番去追...呀唔係,做嘢先。」

跟住佢就番咗房。

「你生日?」

「聽日。」

「咁我祝定你生日快樂先!」

「...多謝...」





一個啱啱識嘅人講嘅一句生日快樂...竟然會令我感到有啲溫暖。

之後我哋傾多陣順便交換埋聯絡方式就準備番去。

但係係我哋啱啱出咗書店門口同雲零佢道別完之後,就有個電話打過嚟...