[舊版][已停更]從前有個校長，佢禁錮咗全校人: Day 6c 末世論
10：20
「收到阿康whatsapp啦！」我激動得把手機摔到地上，我可憐的電話再也經不起一點損傷了……
當我拾起它時，看着從裂痕冒出的紫黑煙，我忽然有種詭異的感覺，好像是有人在耳邊低語，說着我不懂的語言，似有密密麻麻的螻蟻爬進腦子，很不舒服的感覺。
但當我別過頭，不適感消失了。取而代之的是無窮無盡的迷惘和悵然。怎麼我會想奪權？怎麼我會覺得坐擁主席一職，把控着全班二十三條性命會是一件好玩、厲害的事？怎麼我好像越來越愛出風頭？思想會越來越偏激？
我是不是長大了……？
好似變得急功近利，沉醉在玩弄權術的遊戲之中。縱然大部分時間我都是為了嬴得遊戲而去謀算別人，但無可否認地我在內心深處渴望向從前視我若透明人的人，證明我李佑年不是愚弱，不是怕事，只是無用武之地。而他們自以為傲的學識在冷酷無情的生存遊戲之中，亦不過是花瓶。到了性命攸關的情況，學懂三角形的公式並不會救他們一命。
「佢whatsapp你講啲咩呀？」難得沒黏着Tony的賢仔拍一拍我肩膀，把我從思緒之中拉了回來。
「哦，佢話佢去咗疏散3A班，而家全部人落晒去操場。」我說。
「好，咁我哋點點人數先，同埋要安排一下之後的工作，仲有嘢食方面……」Katie井井有條地分配工作，但我已經沒興趣聽了。
不對呀，我剛剛怎會這種想法？現在學校無異是弱肉強食的世界，無權無勢無技能的「三無人士」最多可以躲在強者的庇蔭之下，苟延殘存。而有技能沒權力的人要不當上前線，為班衝峰陷陣；要不像除衍殤，獨來獨往，失去所有依靠。
權力在這裡很重要，決定了勝負，決定了命運。若要我成為一個受人擺佈的傀儡，倒不如叫我教青蛙何謂禮儀。
「好，就係咁，大家即刻去做嘢！」Katie笑着拍手道。
「等陣！」我從昔日的位子站起來喊「我認為趁住其他班打生打死嗰陣，我哋最去打怪物！」
「No！人哋恰到上心口啦，唔通我哋一直處於捱打狀態？」Katie反駁。
「遊戲嘅規則，係最高輸出嘅五班先可以離開。而家我哋位居第五，依我所知5A一定會郁手打怪，到時我哋差人成截，點追呀？」
「第五名合乎勝利資格，遲啲我哋再發力唔得咩？」
「遲啲遲啲，遲到嗰個啲就太遲㗎喇。而家已經係被困嘅第六日，每隻怪物都幾乎得不足一成嘅傷害值，咁到何年何月何日先走到？係咪到世界末日嗰日，我哋都仲會留喺呢個人間地獄入面？」2012年12月21日，不知多少世紀前的馬雅文明預言這一天就是地球和人類的滅亡。
「末世論根本就無根據，同埋一日唔解決其他野心大嘅班別，我哋嘅日子只會越嚟越難過。」Katie說。
「唔係喎，我同意Yina講嘅嘢！」安家迪舉手贊成「我哋嘅主線任務係打怪唔係打人，喺有其他班幫手搞徐衍殤嘅同時，我哋一於重建怪物討伐小隊，去滅鼠啦！」
「安家迪！」Katie不滿地吼他，原本理正氣壯的安家迪立即沒氣了焰，活像一個被妻子罵的小丈夫。
「都啱嘅，完成遊戲點都算係買個保險，人都安樂啲。」黃美娜說「而且阿康都會覺得打怪比較好。」
哦，所以康溢陽的想法甚麼時候會由她的口中說來？沾花惹草的男人！
「但係一日唔清除敵人，我哋都唔會有好日子過㗎喎。」許久沒出現在我眼前的哈比說。
「咁又唔係咁講呀，如果打打下死嘅，我寧願被怪物殺，都唔想死喺朋友同學手上！」存在感低到我快忘記的麥包說。
「如果真係世界末日嘅話，咁我咪死都見到屋企人？」文柔慌張地說
「如果你死喺呢度，你死都係會見唔到屋企人……」芯培無奈地安慰她。
「咦～啲怪物咁核突，我唔要見到佢哋！」婊到爆炸的程紀靜。
「係呀係呀，靜靜話咩就係咩！」狗公Hinson吠吠吠。
「夠啦！」Katie大力拍枱「要打怪嘅可以照打，但有人攻擊，我哋一定會全力反抗，滿意？」
「心滿意足，多謝主席大人成全！」我笑道。
Katie朝我翻了個白眼。
10：30
經過一番爭執後，Moon把我拉到一旁(賢仔又去了相親相愛)，雙手搭在我肩膊上，以一個十分奇怪的眼神看着我。
「……」
「你想做班會主席？」Moon單刀直入地問。
「其實都唔係嘅……」我吐吐舌頭道。
「你唔使否認啦，你趷起條尾我都知你想做咩啦！」
「知你又問。」謊言被拆除實在有點尷尬。
「原因？」
「我可以做得比Katie更好。」我說。
「我知你有野心，不過唔好自視過高，我除咗可以幫你擋下刀之外都無乜做到。」Moon認真說「唔好遺忘初衷，就算最後你成功做到話事人，記住你嘅本心。」
她把手放到我心口上，少有地語重心長說話。但不知為何，這個姿勢怪怪的……
「我知道㗎啦，不過請你放下你嘅污糟手，唔好亂抽水。」
11：15
「砰！」
「咩事呀？又爆炸？！」黃美娜從窗口探頭出去看。
「痴鬼線，成間學校都識整炸彈，呢班咩科學怪人嚟㗎！」咸魚不滿地搖搖頭，她最引以為傲的發明—化學炸彈，在這些真真實實會爆炸的炸彈中，簡直比到連渣都不如。
我拉着Moon一起走去看熱鬧，忽然手臂碰到一樣比冰更冷的物質，我垂下頭一看，只見Joey白哲的手臂。她正眼冒紅光地盯着羅雨韋的後頸。
「Joey？」我喊一喊她。
「嗯？」她面無表情地轉過來，眼中的弒血亦消失不見。
「無……我見你呆咗咁企喺度啫……」我底氣不足地說。
以前我會因為Joey強大的女神氣場而沒底氣，現在看着她卻有一種另類的壓力，壓得我快喘不過氣來。
Joey一定有古怪！