《我哋已經到達終點站⋯⋯》: 第十一章

「喂，大佬今日102有無窿比我攝？」

「實有㗎，你係咪返先？」

「梗係啦。」

「乜你好鍾意做102咩？」

「幾㗎，哈哈。」



你估我好鍾意102咩，彌敦道咁塞法，塞都過曬鐘都似。

「咁你返嚟廠先啦。」

「Ok。」

搭車返到廠，行去辦公室攞嘢。

「攝咗930先再跳102啦。」



「ok。」

我睇睇張更紙。

轉半930先有得跳返102，不過派中架229X（市區都躉）咁打死都唔換車啦。

鬼叫我想玩舊車咩，係咪咁講先。

揸到落去愉景新城，抖一陣就夠鐘開車。



嘟～「唔該師傅。」

「Hi，咁啱嘅。」

「哈哈。」

「洗唔洗開大燈比你呀？哈哈。」

「好呀，唔該曬。」

「係喎，你家姐仲冇鬧你呀？」

「近排無喎，我懷疑佢癡咗線」

「點解咁講？」



「近排佢一返到屋企就返入房，間唔中仲聽到佢喺度傻笑，唔知佢搞咩。」

「哦～，係喎夠鐘開車。」

「咁我返入去坐啦。」

沿途經過荃灣、大窩口、葵涌，望住街外嘅人唔知點解有種莫名奇妙嘅感覺。

話咁快就去到金鐘，Rachel細佬行埋嚟。

「師傅可唔可以再開一開大燈？」

「Ok呀。」



埋金鐘個站嗰陣，見到個熟悉嘅面孔，所以我開齊頭尾閘。

「咁快又見啦喎。」

無反應嘅？我認錯人咩？

「你嚟等細佬呀？」

細佬拍一拍佢之後先望過嚟。

「係呀，估唔到係你車佢嚟喎。」

「好多嘢你都估唔到㗎啦，哈哈。」

「你啱，哈哈。」



「好啦，我走先啦，再傾。」

「好，bye bye。」

我閂門走，繼續旅程。