《War for God》: Ch.3

　為義領著二人走進茶餐廳，就馬上有人前去招呼。 　

　「常議員！請坐、請坐！」 　

　「我照舊，其他嘅你哋自己喊。」 　

　「西多士、凍檸茶少甜。」子軒說。 　

　「我都係！」阿星舉起左手。 　

　當三人都安坐下來後，便將注意力轉移向餐廳內的電視機。 　

　電視機裡正播映著最受香港市民歡迎的清談節目－「你有理講」，而今天的節目嘉賓正是最受全港市民歡迎、備受影視界人仕敬重以及愛戴的女名嘴，Karen Cheung。 　

　「我哋今日好歡迎請到Karen姐嚟到我哋嘅節目度，歡迎妳啊Karen姐！」 　

　「又係呢條死八婆....」子軒低聲地罵道。 　

　「一見到佢個閪樣就想打柒佢！」阿星向著電視螢幕掄起拳頭。 　

　「聽講妳最近對香港時局都有啲心得想同大家分享吓喎！」 　

　「無錯，除咗五大訴求之外，我更加支持將所有唔合社會指標嘅弱者都趕出呢座城市，即係汰弱留強。事關呢個係我哋人類自古以嚟嘅延續方式，亦係唯一能夠令香港再次發光發熱嘅方法。我先唔似得某啲打著保護弱勢嘅旗號、走嚟拖呢座城市後腿嘅傻人咁，為咗虛名而斷送美好嘅將來！」 　

　「大佬！佢串你喎！」阿星指著電視螢幕。 　

　為義皺起眉頭，拿起侍應剛放下的那杯奶茶並且喝了一口。 　

　「呢啲咁嘅人唔駛理佢，反正我哋贏咗之後，自自然然就會自動收皮....好似佢呢啲個腦裡面只係得『價值』嘅人，最鐘意就係見風使舵。」 　

　「但佢啲論點又真係難駁嘅....」子軒將糖漿淋在西多士上。 　

　為義再喝多一口奶茶，回答說：「放心，終有一日佢所講嘅嘢，會徹徹底底咁變成一個笑話。」 　

　「因為喺佢哋嘅眼中，只會識得將一百蚊當喺一百蚊咁駛。而我，就識得將一百蚊變成一千蚊、再將一千蚊變成一萬蚊！」 　

　阿星一臉好奇地問：「咁個方法係點啊？」 　

　「呢一層呢....」為義把手阿星的肩膀上，向阿星擺出一個親切的微笑。「到時我哋成功咗之後你自然就會知㗎喇。」 　

　「屌！講呢啲！」 　

　為義以滑稽且猥瑣的笑聲應付阿星的埋怨。 　

　「快啲食啦你哋！啲嘢就嚟涼晒喇！」 　三人吃完下午荼後由為義結帳。 　

　「大家返歸啦吓！記得唔好熱血上腦啊！」 　

　為義離開二人後，便回到自己位於柯士甸西的家，新落成一個月有多的頂級豪宅－匯豪門。 　

　為義甫入家門，便見到自己的父母迎向自己。 　

　「爸爸羊、媽媽羊，小羊番嚟喇。」 　

　「小羊羊食咗飯未啊？」為義的母親問道。 　

　「食咗喇，宜家要去訓教教豬喇，聽日大把嘢要做啊。」 　

　「加油喇。」為義的父親笑著說。 　

　為義走進自己的睡房後便鎖起門來，他打開枱燈和電腦，開始瀏覽一個名為「LIHKG」的網站。 　

　他按進「時事台」，發現大量幸災樂禍的帖文，其中有些帖文更加鼓吹發起第二次針對自己的行動。 　

　「哼，好笑。」 　

　為義見沒有任何有價值的帖文後，便關掉電腦。 　

　「好，又係要開工時間喇喂....」 　

　為義脫去自己的西裝和皮鞋後，把窗戶打開。 　

　「我變！」 

　為義轉一轉身，居然可以變成一隻麻雀！ 　

　他張開雙翼，飛出窗外。 　

　「去咗老蘭先....」 　

　為義飛向全香港最熱鬧的夜蒲點－蘭桂芳。

　他剛到步就發現兩名男子將一名已經醉倒的女子帶上一輛計程車，他立刻再變成一隻蚊飛進計程車裡。 　

　「唔該司機，時鐘酒店啊。」 　

　「哼，一早就估到你哋想點啦！」為義心想。 　

　當計程車抵達目的地後，為義馬上附在其中一人的衣服上，待他們進到酒店房間後，為義這次變成一隻銀背大猩猩，當場把那兩名男子打到不省人事。 　

　「等我幫你返屋企先....」 　

　為義抱起那女子，乘搭電梯去到地下大堂。 　

　「幫個女仔叫白車！」 　

　為義把女子放下，在酒店職員驚訝的神情下乘搭電梯回到剛才的房內變回蚊子。 　

　「繼續巡邏啦喂！」　 


待續