直到天亮為止,為義足足拯救了十位女子。  

 「係時候返歸喇喂!」
  

 為義回到家後第一件事就是全身梳洗,他梳洗完後就換上西裝,檢查手提電話裡的訊息。
  

 「好在你班友仔都聽勸姐....」
  

 為義收好手機,便步出房門。
  





 「小羊羊訓醒喇?」
  

 為義的母親獨自一人在大廳打地鋪。
  

 「係啊,我宜家落去霸位,你同爸爸羊陣間落嚟啊。」
  

 為義步出家門,來到他們一家平常光顧的酒樓。
  

 「常議員早晨!」
  





 「早晨啊經理!照舊三位。」
  

 為義坐下來後,用熱水清洗茶杯以及餐具的同時,在電視機上欣賞新聞報導員報導自己昨晚的「傑作」。
  

 此時,為義的父母來到為義所在的桌子。
  

 「小羊羊,媽媽同爸爸嚟囉。」
  

 為義為二人倒茶,便開始點菜。
  





 「啊仔你幾時先帶個女朋友番嚟啊?」
  

 「唔喇,我大把嘢做,無心情理呢啲嘢住。」為義喝了一口荼。
  

 「你都shot shot哋嘅!我哋仔仔宜家堂堂一個區議員啊,大把女仔追啦!駛咩咁急姐。係咪啊?」
  

 為義沒有回答自己父親的問題。
  

 「不過小羊羊你去土耳其讀書讀咗一年,就賺到一筆錢開咗間藥廠,番到嚟香港仲做埋議員!真係好本事,到底你喺土耳其嗰度做咗啲咩啊?」
  

 「呢一層啊....」為義放下茶杯。

 「因為我識咗個有錢朋友囉!跟住仲-」
  

 「咦!你睇吓係邊個!?」
  





 突然,有五名戴著口罩的男女圍著為義三人。
  

 「係常狗啊喂!大家埋嚟睇吓狗喇喂!」
  

 「你班廢人咪撚阻住我哋飲茶啦!」為義的父親拍枱大罵。
  

 為義亦馬上站起身來,對五人說:「你要玩嘢嘅話,我一定奉陪,但唔係今日。」
  

 「點啊!?凶我啊宜家!?」
  

 有
食客挺身而出,指罵男女們:「走啦死曱甴!唔好阻住常議員同屋企人飲茶啦!」  

 「走啦!呢度唔歡迎你哋啊!」
  





 越來越多的食客,甚至連酒樓的工作人員也加入戰團,那五名男女見狀,便撤離現場。
  

 「有我哋喺度,你哋唔駛驚!」
  

 「多謝黃伯同咁多位!小弟實在受寵若驚!」
  

 「不過話時話喇,班友仔又點會知你嚟開呢度同老豆老母飲茶嘅?」
  

 為義頓了一頓,似乎發現了一些很重要的事。
  

 「可能佢哋見過我掛!唔知呢?算啦,呢啲嘢唔好理住喇,食咗嘢先啊。」
  

 為義與父母進膳完後,便送父母回家。
  

 「仔仔你要小心啲啊!班黑衣幫無性
㗎....」  





 「得㗎喇,我有分數....你哋返屋企先啦,我仲要去做嘢。」
  

 為義離開父母後,便前往一座位於新蒲崗的工廠大廈。
  

 為義到達最頂層,來到其中一個單位前按門鐘,有人前來應門。
  

 「大佬你嚟咗喇?」應門者正是家俊。
  

 「佢哋搞成點啊?」
  

 他一進入室內,便見到阿星與子軒正在操練一群人,當中有外表身材皆平庸甚至不符社會標準的男性、南亞人以及黑人,他們皆手持長達
三米的竹竿,不斷重複向前刺這動作  

 家俊一臉抱歉地說:「尋日我腸胃炎發作,嚟唔到添。」
  





 「算啦,只要你有嚟操兵就得嫁喇!」為義拍一拍家俊的肩膀。
  

 子軒發現為義來到後,便高聲喊著說:「大家休息一陣!陣間再練!」
  

 「大佬,你臉色好似唔幾好咁?」阿星問道。
  

 「當你知道自己俾人起完底之後,你自然會知咩一回事。」
  為義將剛才在酒樓裡發生的事告訴給家俊他們。  

 「屌....班友又會咁撚賤嘅....」阿星罵道。
  

 「你哋自己都要小心啲啊!記得唔俾自己同埋班手足見光死啊!到時真係一鑊熟㗎!」
  

 「放心啦大佬,我哋有分數㗎喇。」子軒搭著為義的肩膀。
  

 「係喇,話說啲『日本貨』嚟咗未啊?」
  

 「今朝早到咗。」家俊嘴角上揚。
  

 「Good....帶我去睇吓!」
  

 家俊便領著為義等人來到一間放滿紙皮箱的房間內,他打開其中一個紙皮箱,從
箱內取出一把武士刀給為義。  

 為義拔刀出鞘,仔細地觀察被燈光照得閃閃發亮的刀身。
  

 「好刀....好刀....果然無呃到我啊....好!遲吓我會親自教班兄弟練刀!」
  

 「好嘢啊大佬!到時候肯定可以斬到班主流狗全黨死清光!」阿星拍手掌。
  

 「有咗呢啲刀,我哋簡直如虎添翼啊!」子軒流露出燦爛的笑容。
  

 「所以咪話咗我哋要
戒急用忍囉,如果我哋一露出馬腳,到時啲刀俾人周到晒嘅話我哋用啲咩嚟起義啊?用手指啊?」為義收刀入鞘,再放回箱內。  

 「不過話時話啊,宜家連登班友吹晒雞,話下禮拜除夕會有大嘢搞,聽講仲要係十八區一齊嚟料添!」
  

 「我同阿星哋尋日就知啦。」
  

 「不過連登啲料detail啊嘛,佢哋仲話終局一戰,甚至有人仲post埋遺書添!真係唔惹小
!」  

 為義沉思了一會,說:「就算佢哋係搞都好,都應該惡唔出咩樣
㗎喇,嗰日大家都係好地地咁放假、陪吓屋企人啦!  

 此時,有一名男子突然衝入房內,慌張地說:「門外有條著住反光衣、帶住記者證嘅女啊!」
 


待續
已有 0 人追稿