一個中五女學生的故事: 6
我塊面痛得黎輕微發熱，野都未講完就俾條女一巴車埋黎。
「知道你仲痴埋黎，八婆！」真正既八婆係比我更加不可理喻。
「就算佢追緊Figo都唔代表其他女仔唔可以同佢有接觸同來往，因爲無人知邊個想追或者追緊Figo。呢個世界唔係圍住佢一個人轉，再講感情無分先後，
更加唔會由第三者插手。」雖然佢可能會再打多我一巴，但我講既的確係事實，其他人無資格插手自己既感情事，因爲感情係兩個人之間，與第三者無關，
除非有小三問題咁咪關第三者事。
「八婆咁串係到同我講經！」條女想再郁手，我正想一手捉住有人快我一步。
「你唔好咁過分。」原來係Figo，應該係見我咁耐都未返去過黎揾我。
「我唔還手唔代表你可以得寸進尺。」老虎唔發威，唔好當我on尻先得架。
「Figo，Fiona追左你咁耐，對你做既野你唔係見唔到。」條女隔離仲有條女係到抆佢衫袖，我估呢個女仔就係Fiona。
「我對Fiona有無feel、接唔接受佢都唔輪到你呢個第四者評論。」Figo講完就拖住我走。
「Figo你聽我解釋。。」Fiona拉住左Figo。
「我都親眼睇住你個friend打我女朋友仲有咩好講。」
「唔係啊。。。我」
「我知你中意我，但我中意個個係Scarlett。」講完Figo就拉走左我。
「Sorry啊，如果唔係我無一早講清楚你都唔會無啦啦俾人打左一巴。你點啊，塊面仲痛唔痛啊。。」Figo拉坐我返去枱個邊坐低。
「打個下點都痛既，宜家無乜事，應該係紅左姐。」無啦啦俾人刮點都會有啲嬲，但因爲我都係扮緊人女朋友，呃緊Fiona，所以兩兩相抵。
「我送你返去先啦不如。」Figo提出送我返屋企。
「咁又唔好，你啲朋友仲係到架嘛。宜家先十二點幾，你走都唔好意思啦咁早。」我拒絕。
「你無啦啦俾人打左巴仲玩咩姐，我送你返去啦，我同佢地講聲佢地唔會嘈，最多下次再約既姐。」Figo堅持想送我返去。
「我真係無野wor，你去同啲friend玩啦。」
「好啦，咁你想返屋企個陣就話我知啦。」Figo唔再堅持，其實我都想飲多陣酒玩多陣。
「啊嫂你無事啊嘛行開左咁耐。」Tim問。
「無事。突然肚痛去耐左姐。」我當然唔會將頭先件事周圍講，知既人就由佢姐，但唔知既無謂講。
斟左杯香檳，自己坐埋一邊，望住燈紅酒綠既club場，跳舞、飲酒、猜枚、flirt女、攬攬錫錫，應有盡有，就係唔會有人好似我咁係club到齋坐。
我係到諗啲人係飲酒溝仔溝女尋開心，定係揾一個地方麻痹自己、去掩蓋心入面不敢觸碰既傷口？又或者係我諗得去蒲既人太深情？
你問我點解係club場諗呢啲？可能係頭先個一巴令我心靜落黎。
我飲完一杯又一杯，不經不覺就飲左四五杯，可能諗野再加上頭先飲個啲，開始醉醉地，但我依然繼續斟酒。。。
「喂你飲左好多喇，唔好再飲喇。」Figo制止我繼續斟酒飲。
「飲多杯啦。」我繼續想斟。
「唔得啊你飲左好多，加加埋埋差唔多成兩支酒。」有咁多咩。。。
「哎呀飲多杯就走，ok？」我飲醉酒仲想同佢談判。
「唉怕左你，一杯，跟住我送你返去啦。」我點點頭，隻手震下震下咁斟埋我今晚最後一杯酒。
「ok飲完，走啦。走喇咁多位，byebye」我揮揮手。
「byebye啊嫂，下次再一齊出黎玩。」Figo啲朋友幾好禮貌。
「走先，再約。」Figo同啲朋友道別。
我唔係好想俾其他人知道我醉，包括Figo，但係飲醉的確會頭暈、辛苦、手震脚震。
「搭的士送你翻去啦。」我點頭，三更半夜除左的士都無乜車幾滯。
「你嬲返件衫先啦唔好吹親啊」我地係馬路邊等的士，佢企左係風吹過黎既位置，等左陣終於上到的士。
「將軍澳至善街3號，唔該。」飲醉酒都係要有禮貌，但實在太暈，就後坐住訓。
「係咪醉啊？挨住我膊頭會舒服啲。」我好自然地挨住左佢，仲攬住左佢手臂，都有啲肌肉。翹手呢個行爲某程度上對我黎講係自然反應，
因爲同仔出街個陣都似情侶非情侶咁樣翹手，飲多左酒個人真係會大膽啲。
而佢亦都好順手地摸一摸我個頭，不過我唔知佢知唔知我知道。成程車就係咁攬住佢手臂、挨住膊頭訓左陣。
「落車喇。」Figo拍一拍我，好溫柔咁講。
「嗯。」我帶住醉意回應。
「唔該司機。」佢刪左車門就一直扶住我。
「你點啊，仲係好醉？」佢問我。
「ok啦。」我都無强忍住醉意，由自己挨係佢個身。
「你屋企係邊個方向啊？」佢望一望我又四圍望，我指左屋企方向俾佢知。
行左幾分鐘就到屋企個棟大廈。
「我到喇，我可以自己返上去。」我推一推開佢。
「宜家三更半夜，雖然有保安，但我都唔放心你一個女仔搭lift返上去，何況你仲飲醉酒。」
「呃。。咁好啦。」我飲醉酒都唔想講多句，由佢送埋我上去，反正我自己住，啊爸啊媽住近返工既地方，平時都唔係成日得閑睇我。
「你住幾樓啊？」Figo諗住幫我禁lift。
「我自己黎。」我脚浮浮，佢一直扶住我，我捉住佢靠近睇清楚啲制。
「叮！」
「邊間啊？」佢問我。
「C」佢扶我返門口。
「我到喇。」我同佢講byebye。
「你咁樣得唔得架，我驚你仆親wor。」
「咁你望住我開門入去係啦。」我盲摸自己放係袋入面既鎖匙。
「咔咔。」開門。
「啊！」
「喂喂喂！你點啊，都話你會仆親架啦。」Figo九秒九捉住我。
「你囉，開口中。」飲醉酒講野真係放肆啲。
入屋自自然然就用脚除鞋，佢都一樣，然後扶我入房，放我係床。
「我擔心你啊嘛。」佢再重申擔心我。我拉一拉佢手，佢成個人失平衡跌落我到，隻手係撐住左係床到。我眼神迷懞咁望住佢對眼，佢有啲不知所措，我對手捧住佢塊面。
「你好長氣啊林承康。」氣氛再次變得曖昧。