2019／發夢撞返做ptgf時嘅舊客之後（又）跟咗佢返屋企: 3 契爺與大眼雞

他們那年約在旺角E出等，一如所有聚會約會。

E出坐擁無限可能，通向電影院、電器鋪、電訊公司、時鐘酒店；印度咖喱、日式咖喱、泰式咖喱，土耳其樓上貓cafe；上世紀金曲、聖詩、Dear Jane；法輪功、中聯辦、人民力量、鳩嗚團；對香港人出手的嶄新懷舊、向遊客賣笑的符號中式。I love Hong Kong。小文青、小毒毒、MK、肚餓、好學、飢渴，全都能各得其所。I love Hong Kong。 

E出前站著很多女孩子。麥展風發現他約的是最奇怪的那個，不是指她編了辮在頭頂如頭箍的煙藍色短髮和六角形金框眼鏡，頸掛相機，而是大熱天仍穿長袖與長裙。方領薑黃棉麻喇叭袖，與髮色呼應的煙藍到腳踝長裙，上綴高及腰間的黃色等腰三角形。相當，出眾拔群地不合時節，不符想像，更甚無看頭。屌，啲文青著到無晒曲線唔知為乜。⋯⋯文青？ 

「妳唔熱㗎？」結果第一句是這樣。見她臉漲得那麼紅。 

「慣咗啦。」她飛快看他一眼，又低頭玩遊戲，是他上月食飯見小二堂妹也有在玩的鯉魚王（堂妹奶聲奶氣地跟著叫：「跳啦！鯉魚王！」）。 





她已經破完關，在打沒事找事做的特級聯盟3。她的鯉魚王從第1回合一直跳到第6回合才輸。她又讓牠吃完池中零星食物，嘴跟著一開一嘟——然後她舔舔嘴唇，斜看他兩眼，吸一口氣，點點頭，終於把手機收起。 

四目交投。 

麥展風馬上知道他不會是好演員。他腦中一片空白。 「——恕哩媽些⋯⋯」他不知道他為甚麼講日文。然後有旋律順理成章脫口而出：「叫我契爺呀，雖然我未有車。」 

她皺眉失笑，眨眼眨得很快，馬上又縮回看地上，聲音細不可聞：「⋯⋯唔好意思，請問，你係咪即係，想我叫你契⋯⋯」 

「無。歌詞嚟。」麥展風連忙打斷。他沒有講，那首叫《雞始終都係雞》。「叫我阿風啦，一係。」 





「我叫......唔係，叫我......」至於她，玩著背囊肩帶，仰著臉想了好一會，最後說：「你鍾意點叫就點叫啦。」 

出得嚟行，改個名都懶？麥展風看她眼隔著鏡片大得扭曲，便隨便：「咁我叫妳大眼雞。」

 「吓，我起碼係黃花魚。」不知為何她聲音大了起來。 

係係係。感覺像ocamp改組名一樣無稽。我的名，又是甚麼來頭？麥展風幾乎想笑。該不會是因為老豆老母扑野時狂風吹起窗簾所以決定茲以為念——叫雞卻想起老豆老母，真是荒謬絕倫。（其實，點解要生我出嚟？） 

「咩，黃花閨女呀？睇過？」麥展風撈她腰，她沒有反抗。腰好細。





 時鐘酒店的名又是怎改，國名首都州份，莫非是圖在擠擁的旺角販賣如招牌一樣剝落掛不住的異國風情。麥展風有些後悔沒去異國風，一講起爆房冇辦法唔諗起九龍塘，口耳相傳的老派浪漫。 

他不知道，黃花雨會覺得，毫無關係的兩個人可以在城市中如此莫名地遇見，本已是浪漫。