【新手選項故】《2020》(一個光復香港嘅故事): 【Ch 1】元旦的煙火(5)

「嘉楠！嘉楠！！嘉楠！！！」我仲未死？

「仲瞓！已經8點半啦！」啱啱只係發夢？

「8點半啫，咁早叫醒我做咩。我尋晚無咩點瞓，食lunch先叫我啦。」我咁樣答佢。

[20:35 中大宿舍]

「仲lunch？瞓矇咗啊你！宵夜都嚟緊啦！依家已經係夜晚8點半啊！你又真係幾好瞓，你問題都未答我就無啦啦恰著咗，見你咁攰先唔叫聲你。點知一瞓就瞓咗成日，一直叫你又唔醒，仲以為你死鬼咗啊！」係啊，我啱啱喺夢入面先死過一次。





「吓！已經係夜晚喇！咁……依家出發都唔算遲嘅……我依家即刻去換衫！」我都唔係太好意思搞到佢同我一齊遲到，立即彈返起身，用咗10分鐘左右就即刻趕住走。

迫於無奈下，我哋唯有撘黨鐵去中環。除咗中大同中環嘅距離差距……「甚遠」之外，呢個時間去睇怕港島都已經封哂路，三隧都應該塞死哂。黨鐵，係我哋唯一嘅選擇。

[22:30 金鐘站]

「下一站金鐘，乘客可以轉乘……」

「到啦！瞓咗成日依家都仲可以瞓嘅，真係好嘢。」我已經習慣咗佢咁樣同我講嘢，但係我都唔知點解今日咁鬼攰。





帶住無力嘅身軀行出A出口，見到一早就到咗嘅手足已經佔領咗夏愨道，方便人行去對面。不過，最令人在意嘅係……

「點解今日一架狗車、一隻popo都無嘅？」

「可能……因為總部俾人炸咗，無人指揮掛。定係……班popo驚下一個被人炸死嘅係自己，所以無人敢嚟？」我個人就覺得後者嘅機會大d，講就話佢哋有高薪啫，但當用自己條狗命同d錢比較，我相信錢係完全唔重要。

講吓講吓，我哋已經順利嚟到中環軍營附近。

「我去買d嘢俾你食？你好似成日都無嘢落過肚。」雖然佢成日都串我，但我知佢其實係非常關心我，唔係嘅話又點會同佢做好姊妹呢？





[23:45 中環軍營外]

等佢買完嘢加我食完再去埋個廁所之後，已經差唔多去到我哋同解放軍「決戰」嘅時候。

「注意，当闸门完全打开后，还在视线范围里的人格杀勿论。再重复一次，当……」點解……呢個廣播好似有d似曾相識嘅？

「解放軍躝返入去啦！」「香港唔歡迎你哋啊！」「上返北京啦！」點解……我好似聽過呢d對白嘅？

我又惗返起啱啱嘅「惡夢」。

我就一路沿住海邊跑，唔敢望返轉頭，但始終又制止唔到我嘅好奇心而望咗去後面：解放軍已經攞住槍行咗出嚟，見人就殺。數不盡嘅槍聲喺我耳邊傳入，地下除咗血，就只有一具又一具嘅屍體。

一個不留神，我俾前面嘅屍體kick親，成個人扒咗喺地下。身後嘅解放軍已經追咗上嚟，企咗喺我面前。自知自己嘅命運如何，我放棄咗無謂嘅掙扎。

「嘉楠！嘉楠！」係蕙。「走啊！你快d走啊！我已經無機會再走啦。」我合埋雙眼，但依然聽到佢喺遠處不斷嗌我個名。冷冰冰嘅槍管已經指住我嘅額頭，我準備好接受嗰一下巨響。





「砰！」我又要死多次？

我突然由夢境返咗去現實，又係蕙，不過今次佢係直接打醒我：「痛！痛啊！我醒咗啦！下次可唔可以温柔少少啊！」

「你係咪想瞓到2046啊！睇你個樣係咪又惗緊d咩啊？」

時間無多，再過多幾分鐘就12點正啦！我應該點樣回應蕙……