[喪屍][愛情][奇幻] 滅屍救港: 三十四 樂富(2)低鳴
-毋忘721元朗恐襲- 妹妹醒了,抬頭看著我和隊友們,狀甚驚訝。
「點解你會喺度嘅?」我問。
「家姐? 啊爸同啊婆唔知去咗邊...」她說。
「究竟發生咩事?」一心問。
「佢係邊個?」她問。
「佢叫一心,係我朋友,亦係隊員。呢幾個人都係。」我答。
「隊員? 我記得啦!」她像是記起了甚麼。這樣看來,她應該知道發生了甚麼事。
我看一看身後,發現隔壁的教會的玻璃門被撞開,地下被人用血畫了個圓圈。
「個圈係刀派嘅標誌。」她說,把整件事和盆托出:
「其實係咁嘅。放心,我估啊爸同啊婆唔會死。
首先,你哋嚟嗰陣,有冇見到好多屍體?
喺講話嗰晚本來冇乜事,但第二朝,我同啊爸發現咗刀派同喪屍已經控制咗我哋大廈。
刀派要我哋做佢哋奴隸,仲呃啲婆婆,等佢哋出去送死!
啊爸忍唔住喺第三日踢爆佢哋,結果刀派就將佢額頭畫咗個圓圈符號,將我,啊爸同啊婆趕出去。
好在,俾啱啱經過嘅區議員救翻。本身我應該跟啊爸去派資源,但佢揼低我喺度瞓,冇再見過佢。
不過我有信心佢哋安全嘅。
當時,喪屍唔知點解大舉入侵樂富啲公屋,場戰打咗四日,好多人被喪屍咬死!
但佢哋頑強咁抵抗,聽講佢哋死咗之後會釋放一種抗體,令自己同附近嘅人都唔會變成喪屍!
所以自此,樂富就好似全世界最恐怖嘅鬼屋咁,冇人夠膽入嚟呢個死城。
外面嘅人想遺棄我哋,我哋倖存者就喺呢度紮營,希望可以自救。」
「啦,我講晒成件事俾你哋聽啦,你哋係咪應該俾翻啲嘢食我多謝我呢?」
想不到妹妹到這個危急存亡之秋還想著吃的,但這也難怪,因為糧食真的很短缺。
不過,沒見十多天,她看來成熟了不少。
「er... 我呢度有舊朱古力,但應該融咗,你唔介意就拎去啦。」小華遞出一塊在街市拿的朱古力。
好一招「愛屋及烏」! 但會不會變壞了?
「俾我睇下有冇變壞?」我伸出手來。
「我拆開咪見到囉。」她說。
她拆開了,奇蹟地沒有變壞,便吃了。
我們邊吃邊走,小華不避嫌地牽著我的手。雖然我們還沒確立關係,但我已經將他視作我的男朋友了。
妹妹留意到這事,便問:「家姐,呢個你男朋友?」
我臉紅了,說:「邊係啊...關你咩事?」
小華靦腆地笑了。
「佢哋未一齊啫,小華直情係符合你家姐嘅擇偶條件啊。」幼羚說。
「哈哈。」我笑了笑,看著小華的臉。
「原來你叫小華啊? 我叫修端啊,姐夫多多指教!」她說。哎呀,甚麼姐夫。
其他人也介紹了自己。
沿路上,我們看到了不少帳幕。
「呢班人係咪就係倖存者?」允恆問。
「其實...入面有部份係喪屍...」妹妹說。
「咁要行快啲啦喎。」英秀連忙拖著幼羚離開。
「同埋,我想拜託你哋一件事。我哋一齊去九龍塘好唔好? 我想去嗰邊搵teammate。」妹妹認真地提出。
「嗰度係香港唯一未淪陷嘅地方...」一心說。
「亦係我哋嘅必經之路。咁去啦。」允恆接著。他們的默契真令人羨慕。
想不到,我們之後的一個月都會留在那裏。