[喪屍][愛情][奇幻] 滅屍救港: 三十七 九龍塘(3) 兩段感情
https://www.youtube.com/watch?v=A_tqxzrv_b4
簡介完了以後,我們一起吃飯,然後便各自活動。
允恆拉我到一邊,說:「過嚟我房傾啊。」
「你唔驚一心見到我哋咁會誤會咩?」我鬆開他的手,問。
小華看到我們,便走過來,說:「有我咪唔使驚誤會囉,我哋三個傾計好正常啫。」
「咁好啦。」我說。
我們在大廳裏坐下,繼續談關於一心的事。
「你覺得我有咩可以幫你?」我問允恆。
「我淨係想知點解佢避我。」允恆說。
「呢樣嘢你應該自己同佢傾。」我說。
「仲有,你同佢嘅嘢重要過點樣打喪屍咩?」小華問。
「佢係預知者,我要親自問佢呢啲嘢㗎。小華,你唔知就唔好咁多事啦!」允恆說。
「好啦喎! 你做咩鬧小華啊? 怪唔知得一心唔肯同你講嘢啦!」我忍不住發怒了,站起來背對他們。
「你講咩話?」允恆說。
「你哋冷靜啲啦。好小事啫... 小芳,唔好嬲啦...」小華拉著我的手。
又是一招「撒嬌」,這男孩真的「攻於心計」。我偷偷笑了。
「算你啦。但係,唔該你啲態度好啲喎。」我回頭,對允恆說。不是看在小華份上,我才不會不生氣呢。
「咁小芳姐,有咩計?」允恆問。
「唔洗咁嗌我喎,允恆哥。」我眨眨眼睛,接著說:「你依家知唔知自己衰咩?」
「我同老馬合作?」他問。
「唉你係咪蠢㗎? 你個死罪係俾唔到自己女朋友安全感啊。」我真的沒好氣了。
「佢頭先搵你上去,就係因為呢件事?」小華問。
「啱呀。允恆你知唔知啊,佢話驚咗你啊...」我正要說,但允恆插嘴:「你可唔可以唔好講八卦咁講啊?」
「好囉我正經啲。佢驚你有日殺人啊! 你頭先唔係隊枝槍落個小朋友度? 佢覺得咁樣嘅你好陌生。
講真作為你朋友,我都好驚你真係一槍打爆佢個頭。」我說。
「我衝動起上嚟,會覺得「攔路者死」...」允恆說。
「咁你要俾佢知道,你咁樣做有原因,你要同佢say sorry。仲要俾安全感佢。」我說。
「我知道要點做。唔該晒。」允恆說。
「記得啦,如果唔係就「今天之後」啦! 「如果可修復裂縫...如重新得到你動容...」」小華特意提醒允恆。
「得啦得啦。」允恆跟我們去一心的房間。
他進去後,我便回我的房間,但小華好像想跟著我。
「你做咩啊? 你唔係想同我咩啊嗎...」我跟他開玩笑。
「我...」他垂下手。我看著他的雙眸,我們四目交投...
他的頭靠近我。我大概知道了... 我心跳加速。
他吻了我的臉頰。我好像還沒有準備好,但我知道確立關係的時間已經到了。
我擁著他,吻著他的唇。好像還有點生硬,但我們享受著有彼此的一瞬間。
我們感受著彼此的心跳,靈魂在這一刻相連。
良久,他鬆開了手,說:「不如出梳化坐?」我們當時是在走廊擁吻的。
我們坐在梳化上,他牽著我的手說:「其實,我一見到你嘅時侯,就覺得你有種吸引力,我好想瞭解你,好想同你一齊打呢場仗。
但係,我唔知點樣可以令你留意到我。我細你兩年,樣又唔靚仔,又唔叻...
所以,我本身好少講嘢,都盡量突出自己,希望你會對我有感覺...
嗰次喺彩虹,爆炸嘅時候我忍唔住拖實你,因為我已經鐘意咗你。
我好想令到你覺得安心,我好想保護你。所以,我可唔可以做你男朋友?」
這個傻男孩,終於也肯表白了嗎!
我躺在他的懷裏。「以後,我就係你女朋友!」我說。
我們再次接吻,我也終於找到一個愛護我的人。
我們各自回到房間,我洗了澡,便睡覺了。
一路上的緊繃感,因為我和小華的一吻,全都一掃而空。
我已經準備好迎接明天的挑戰了。