[喪屍][愛情][奇幻] 滅屍救港: 三十八 九龍塘(4)嘉年華

第二天,我醒來了,感覺前所未有地輕鬆。
「喂小芳,你琴晚點解咁夜翻房嘅?」幼羚問我。
「er...我...琴晚同...人傾計,所以夜翻...」我臉紅了。不知道小華會不會介意我跟其他人說我們已經正式在一起呢?
「小芳,食早餐啦。你啊妹起身未?」小華在我身後,牽著我的手。
「佢...未起身。」我看一看熟睡中的妹妹。
「肯定係同佢傾計啦。恭喜你哋!」幼羚說。
「多謝你啊。」小華對她說。
「你點知㗎?」我問。
「你哋咁襯,遲早都會一齊㗎啦!」幼羚說。 





「咁你同英秀幾時有好消息啊?」我問。她顯得有點尷尬。
「我唔知... 其實琴日佢錫落嚟嗰陣,我有啲唔知點算...」她說。
「咁你鐘唔鐘意佢?」小華問。
「我對住佢嘅時候,心跳會好快...」她說。
「咁咪即係鐘意人哋囉。我睇得出佢都鐘意你。加油啦! 唔講住啦,我叫啊妹起身。」我說。
「我陪你。」小華說。 

我們叫醒了妹妹以後,便到了馬路上的飯堂吃早餐。
「點解唔可以喺屋入面食嘅?」我問小女孩。
「呢個係我哋嘅規定。」小女孩說。




「小芳,你同小華係咪...」一心問我。
我望向小華。他點了點頭。
「我哋琴晚正式喺埋一齊。」我說。
「恭喜你哋!」一心說。
其他人看到了,都恭喜我們。

 我們吃過以後,身邊的人都去了各自的工作崗位。
一個接待員和我們簡介日常工作和現在九龍塘的情況。
「首先,我哋呢個安全區分三部分: 嘉年華,防禦學校同埋外部接洽。咁我每邊需要2個人去幫手。
我哋最大嘅威脅就係樂富嘅喪屍同兩邊高速公路嘅喪屍。

出面窩打老道好多冇能力者互毆,所以呢邊嘅審查比較嚴謹。凡係呢三個地點嚟嘅人,要簽忠誠確認書先可以批庇護。 

嘉年華係訓練打敵人嘅技巧,兼且因為呢邊比較多小朋友,係作為一個庇護所,盡量唔俾佢哋被出面嘅世界影響到,所以就整攤位,俾佢哋有嘢做。
然後,防禦學校係訓練一級嘅戰鬥人員,所有有能力者都可以參與,同埋有好多實驗工作要你哋呢啲年紀嘅人幫手。
對外接洽包括邊境守衛,入境職員同埋接待處人員,主要負責審批外來者同簡介。
我哋分早午更,1:00食午飯,6:00晚會,睇情況決定夜晚有冇飯食。
然後11:00瞓覺。有可能要你哋翻夜更或者通霄更。
好,依家你哋自己安排工作。」接待員說。 

「我哋去學校。」允恆和一心說。他們的關係好像改善了,這就好。
「我哋留喺呢度負責嘉年華。」英秀說。幼羚和妹妹跟隨。
「咁我哋去入境處?」小華問我。
「好啊。」我笑著,牽著他的手。
嘉年華雖然吸引,但感覺上還是玩樂的地方,我害怕會玩物喪志。





 我們到了入境處,在填寫表格那一邊做職員。
等了整個上午,也好像沒有人想來,我們快被曬成肉乾了!
但只要有小華的陪伴,我甚麼都不怕。
正在我們準備回到嘉年華那邊的時候,有一個拿著有血跡的鐵通的男人帶著一個和小華年紀相若的女孩走過來。
「係佢?」小華問。