[喪屍][愛情][奇幻] 滅屍救港: 五十五 九龍塘(22) 恐怖「正義」
只見他胯下壓著一個全身赤裸的小女孩,一看,原來是刀派首領霍立廷的女兒!
「唔好阻住我報仇!」他看見我們,眼神閃縮,但又兇惡地說。
「邪不能勝正? 哈哈。」允恆推開他,用槍指著他的頭。
「大俠饒命啊!!」他跪在地上求饒。
與此同時,我們用附近的樹葉替霍立廷的女兒包住身體。
「允恆,不如你放低槍啦。等我審佢。」小華提議。
「咁你嚟睇住佢啦。」允恆放下槍,走來和我們稍作休息。
「你手下有冇𡃁? 佢哋知唔知你係咁?」小華問。
「我有team人,我係隊長。我冇同佢哋講。」他說。
「你係咪有咩病?」小華問。
「我諗有掛…
我最憎欺壓人嗰啲惡棍身邊嘅女人。一見到佢哋,就有把聲叫我搞佢哋。
你哋都係唔好阻我報仇啦!!」男人突然情緒激動。
小華見狀,便把他摔倒地上。
「估…估唔到你班𡃁仔咁好武功…」男人氣喘吁吁地說。
「繼續講。」小華說。想不到小華也有如此有氣勢的一面。
「我… 喪屍啊!!」男人正想繼續說,但突然驚慌地指著後面。
「唔好呃我啦… 哇!打啦!」允恆也被眼前的景象嚇怕了,抓住我的手。
只見幾百隻喪屍向我們襲來,但我們正在審問的男人堅持要先找回隊友。
「唔好搵住啦!危險啊!」允恆大叫。
允恆和英秀取出槍,向喪屍掃射;小芳用化學劑擊退喪屍;
我、小華和幼羚則要保護附近的人撤退,因為喪屍實在是太多了,只有遠攻才有效!
被我們審問的男人在用技能嘗試阻止喪屍移動!
待喪屍數目少了一點,我、小華和幼羚三人立即回去加入戰團,以格鬥和刀法殺盡喪屍!
其他在上場戰役中沒受太重傷的高手也施展混身解數和喪屍決一勝負!
突然,喪屍堆中傳出「轟隆」的爆炸聲!
這一聲終結了這場追逐戰,也終結了我對人性美善的幻想。
我們的臉上都感受到灼痛—那是被爆炸的火苗濺中,燒傷了皮膚。
但是,對人性的不信任才是最灼痛心靈的事。
我呆坐在原地,陷入了苦苦的思索;淚水不禁奪眶而出。
隊友們走了,我卻故意不跟上,不願被他們看到我的軟弱。
允恆轉身,看到我坐在馬路上。
「一心… 你做咩啊…」他跑過來,悶悶不樂地看著我。他伸出手,想扶起我。
「係啦,我應該要幫你哋包紮,之後幫你哋治療返個傷口。」我抺去眼淚,推開了他的手,站了起來。
怎知,他抓住我的手,將我擁入他的懷裏!
我抬頭看著他的臉,淚水不住地流下來。
「其實我知你擔心緊啲乜…
唔緊要,你仲有我。」允恆溫柔地說。
「你呀,人哋阻住你就攞支槍指住人…」我輕輕捶打他的胸口。
「嗰啲係我嘅脾氣喳嘛。我應承你,對人呢,槍會係last resort。」允恆輕輕地撥弄著我的頭髮。
「行啦。佢哋應該都傷咗啲,我要幫佢哋搞搞佢。」我牽著他的手,繼續向前走。
我們跟上其他隊友,只見小華的頭靠在小芳的肩上,閉目養神;幼羚和英秀牽著手。
整條街上只剩下我們六人在走著。
「你冇事嗎…」看到我回來,其他人都問道。
「有少少唔開心啫,冇嘢。」我說,並把小芳拉到一旁。
「比起喪屍,我更加怕人性。」我認真地向她道出心聲。
「睇嚟頭先你受咗好大打擊…」小芳拍拍我的肩。
「我唔明。點解人就係要咁?」我怨恨地說。
「人性,總係貪婪同自私嘅。
每一個人,都有佢最黑暗嘅一面。
嗰個咸濕佬可能有啲咩遭遇,所以佢心理有少少問題…」
小芳嘗試開解我,但這刻我突然覺得她很討厭。
「算啦,你都係唔會明。」我轉身離去。
此時,我們隊已經離開了九龍塘。
不久後,夜幕降臨,我帶著滿腹疑問進入夢鄉。