[喪屍][愛情][奇幻] 滅屍救港: 五十七 界限街(3) 空投師(3)
「手足飯堂」就像那些大牌檔般,只有幾張桌子,地方簡陋。
但是老闆和老闆娘十分友善,他們還分享了在這條街的生存之道。
我們也趁這個機會和他們討論倖存者的問題。
「你哋冇聽過倖存者咩?」老闆問。
「我大概知啲啦。」我說。
「今次要我哋打喪屍呢樣嘢,根本內定咗資源數目同邊個會生還…」老闆說。
「我唔認命。」允恆插嘴。
「我都係。」偉賢說。
「冇㗎,一切都係政治操作,鬥唔過㗎。
倖存者係一個名單,得名單上嘅人先會活到最後。
本身都預計咗因為資源問題,至少要死一半人。」老闆說。
「有冇搞錯啊! 又冇份打,但係又操控我哋生死?」小芳罵道。
「本身武漢肺炎就係佢哋整出嚟嘅,可以點?
我哋可以做嘅,只有繼續打,希望有日會打贏。」老闆說。
「唔可以俾個政府咁樣。」小華說。
「但要打個政府,要先打贏喪屍。」老闆娘說。
理想是好,但香港是如此現實主義的社會,有些事情我們好像只能認命。
可是,抗爭就是要抗爭到底。
我暗暗握緊了拳頭。
「最近呢邊多咗好多喪屍,日日喺度洗地。我哋都冇得do啦。」老闆娘說。
「應該係物件變成嗰啲。」偉賢說。
「你哋仲有冇空投?」老闆問。
「冇啦,公司唔俾。」偉賢說。
「馮老太嘅意思?」老闆問。
「我估係。」偉賢答。
「邊個係馮老太?」幼羚問。
「呢條街個朵最響嘅人,黑警老母,全部人都服佢。
試過有人唔服,俾佢趕到黃大仙,最後變咗喪屍,死埋。
佢個狗仔叫馮權,自稱有喪屍解藥,每日都撩人打交。」偉賢說。
「馮權? 個名好熟,有冇辦法搵到佢哋兩母子?」英秀問。
「唔好搵啦,我哋應該翻A學校。」小芳說。
「我想知邊個可以操控呢度嘅平衡。」允恆說。
「咁嘅,我都有辦法可以約到佢哋,但係你哋要幫我搞掂依家日日洗地嘅喪屍先。」偉賢說。
「咁唔會破壞平衡咩?」幼羚問。
「我同班兄弟忍咗啲喪屍好耐啦。癡線㗎, 佢哋仲識揸消防車啊。」偉賢解釋。
「我都好想同你個team切磋下。咁不如依家行啦,去搵你班兄弟。」允恆說。
這時,幾個少年走了進來。
「阿賢,原來你喺度。」其中一個少年說。他們必定是偉賢的隊友。
「巴打!」偉賢和他打招呼。
「佢哋係?」少年問。
「你好,我係允恆。佢哋係我teammates。」允恆說。
「叫我阿樂。」少年說。
「我係阿森。」另一個少年說。
「你哋嚟食飯?」我問。
「係呀。」阿森說。
「既然咁啱,就咁嘅,佢哋想同我哋商量點打喪屍。」偉賢說。
「咁等陣去我度講。」阿樂說。
我們便等偉賢的隊友吃完飯後,跟著阿樂回到他家商討對策。
至此,我心中的疑問暫時得到了答案。
「你哋有咩技能?」阿樂問。
「槍、格鬥、化學、治療、讀心。」允恆說。
「咁你哋喺地下打,我哋喺上面揼嘢令佢開唔到車。」偉賢說。
「化學嗰個,諗方法令架車爆炸,之後走人。」阿森說。
「盡量啦。」小芳說。
「你同佢哋講咗馮權件事? 公司件事呢?」阿樂問偉賢。
「算啦,咁佢哋睇落可信,咁我咪講少少囉。」偉賢說。
「呢個世代係冇人可以信㗎。」阿樂說。
這一句突然叫醒了我!
對了,我們好像不應該相信他們,萬一他們也是騙我們的,怎辦?
「其實… 不如我哋都係繼續我哋原本條路啦,我哋走啦。」我站起來。
「當幫手打埋啲喪屍先啦。
同埋,我已經知道咗,你係預知者。」偉賢在所有人面前揭穿我的秘密。
「咁算啦,當我冇講過。」我說。
結果,我就成了被問問題的對象。
第二天,我們按照計劃對付喪屍。
小芳先行下樓潑灑燃油,我們則想辦法令消防車不再灑水。
洗地的消防喉噴得我們渾身濕透;
這時,偉賢他們合力將一個雪櫃扔下來,壓力加上燃油的助攻令爆炸一觸即發!
「轟隆」一聲,我們立即閃避;奇跡地,我們竟然沒受傷!
可是,喪屍下了車,又是一輪攻勢。
我們狀態不太好,只能防守。
最終,偉賢他們將傢俬扔下來,砸死了它們。
我們便回到樓上慶功和休息。