[喪屍][愛情][奇幻] 滅屍救港: 五十六 界限街(2) 空投師(2)
我們來到了他家,只見牆上貼滿了抗爭文宣,地上堆積著鋁罐、玻璃瓶、磚頭等空投物資。
「你哋一定好多嘢想問啦。不過俾我換咗件衫先。隨便坐啊。」忍者說。
過了一會兒,他出來了。原來他是個長相普通不過的小伙子,年紀應該和允恆差不多。
「我叫偉賢。」他和允恆握手。
「我係允恆。」允恆向他介紹自己。
「點解呢度好似咩都冇咁嘅?」小華問。
「呢度一嚟就好似寨城咁三不管,住到就住,好多人住唔落去就走咗。
坦白講,除咗我呢度之外,呢幢大廈其他單位都俾喪屍入侵,入面嘅人死晒。
但喺嗰次之後,冇喪屍入過呢條街。
不過界限街其他段都仲有喪屍活躍。」偉賢解釋。
「你間公司係點運作?」我問。我本以為偉賢是屬於一個地下組織,但是他又說有一間總公司,那是如何運作的呢?
「有冇聽過Moderna? 佢係武漢肺炎疫苗嘅其中一間研發公司,算係研發得幾快嘅公司嚟。
我哋空投師嘅總公司自稱係同佢有關嘅香港公司。
但係我自己就唔信啦。如果唔係為生存,我同隊友都唔會入佢哋公司。」偉賢說,一面托著腮看著我。
「原來係咁。」我說。怎麼他看著我的樣子怪怪的?
「咁點解琴日突然多咗喪屍嘅?」幼羚繼續問。
偉賢沉默了,神色慌張地看著手錶,再掏出手機看看。
「死啦! 今日消防洗地,如果你哋唔走嘅話就死硬! 」偉賢叫道。
「鈴鈴… 鈴… 鈴…」消防警鐘響起了。
「算啦,我同你哋一齊走!」偉賢帶著我們奪門而出,狂奔起來!
「究竟咩事啊?」允恆問。
「消防係高智能嘅喪屍呀!走呀!」偉賢緊張地大喊。
消防車出現了,它一直向街上噴水;駕駛著它的全都是喪屍!
「下面唔會仲危險啲?」英秀問。
「佢哋會上嚟啊!」偉賢叫著。
在逃命的時候,我想:每去一個新的地方,我們就要重新適應那裏的情況,想出新的方法保命。
這裏每天也有喪屍「洗地」,不知怎辦…
我們逃到附近的油站去,躲藏著,直到喪屍全都離開了。
「點解頭先咁樣唔可以反抗?
明明應該可以空投殺喪屍㗎,即係你呃我哋啦!」允恆問。
「大佬呀,你乜嘢都唔知就喺度亂講? 人哋架消防車好實淨㗎。
同埋呢度個平衡係咁,我都仲未怪你哋走入嚟搞亂晒啊!」偉賢憤怒地說。
「我唔會信你。」允恆撇開我們,自己走了。
「允恆!你去邊啊!」我叫住他。
「我哋走啦,唔好理佢。」允恆叫我們離開。
「點解每次都係咁?次次去到新嘅地方,都係要揀邊企嘅?
允恆,人唔係咁做㗎。」英秀質問。
「英秀,你依家教我做嘢呀?連你都唔撐我?」允恆罵道。
「你哋內訌飽佢,我走先。」偉賢說。他用愧疚的眼神看著我。
「你咪走住,我仲未話完你啊!
學班狗話齋,靠你搞革命死得啦!」允恆走回來罵道。
怎知,偉賢打了允恆一拳!
「你知唔知我做過幾多嘢啊!我忍喪屍係一時㗎喳!
我都好想打啊! 但係公司唔俾啊!」偉賢大聲疾呼。
「真勇武唔會話自己做過好多㗎!
仲有,你昅我女朋友做乜啊? 又係公司叫你做?」允恆繼續質問。
偉賢低下頭來。唉,原來他是看上了我。
「當我唔啱囉。但係你哋信我啦,我諗緊方法㗎啦。」偉賢說。
「如果你再講大話嘅,我就一槍打爆你個頭。」允恆嚇唬偉賢。
「係嘅恆哥。」偉賢被迫屈服。
「唉,搞咗咁耐好肚餓啊。不如去食飯啦。」小華提議。
「呢度附近有間手足飯堂,係一啲有錢人開嘅,有黃店老闆加盟佢哋,係呢區唯一一度有嘢食。
不如去嗰度?」偉賢問。
「幾好啊,就去嗰度。」允恆說。
「唔係唔妥人哋㗎咩?」我悄悄對允恆說。
「咁你就唔知我哋啲男人啦。
我哋就冇你哋啲女人咁小氣嘅,咁條友都服我啦,咪算囉。」允恆驕傲地說。
「咁如果佢仲想要我呢?」我撒嬌地問。
「用翻動物界嗰啲方法,打柒佢囉。」他作狀要打架。
「喂,我諗到有咩方法搞掂班喪屍啦。
就係我同隊友空投,再加你哋嘅技能,今鋪sure win!」偉賢自信地說。
我們走到了那間「手足飯堂」,原來是在一幢大廈的停車場內。
我們便在那裏邊吃邊聊。