「係wor,不如我地組隊參加歌唱比賽呀?」Edmund提議。
「好wor,呢條友中學歌唱比賽冠軍黎架。」Oscar和應,並指著Horace。
「哎呀,唔好拎出來講啦。」Horace極尷尬回應。
「勁wor將軍,有你我地實拎冠軍啦。」Roy附和著。
「但我地唔同系可以參加咩?我同Edmund又唔係宿生。」Oscar突然醒起。
「A-soc同Hall果個梗係唔得啦,但可以參加SU果個嘛,好似出年三月。」Horace說著。
 
然後,他又想起了Jordan。
 
「咁快就add我啦。」Jordan accept了Horace的friend request後,便私訊他。


「哈,唔即刻add之後就會唔記得啦。」
「你今日唱首《青春頌》好聽呀,咁難唱都揀黎唱,好勁呀。」
 
在手機開啟了話題後,他們便無所不談,音樂、學業、校內是非、社會大事,什麼都說。然而,即使在校內,可能因為不同級,而且Horace經常在班房溫習準備DSE,兩人一直沒有機會碰面。
 
直至聖誕假前幾天的放學時間,當Horace和Oscar離開課室,準備到圖書館還書的時候,兩人便在校務處門口相遇。
 
「張志鈞!」
「葉子康,使唔使係全校面前叫我全名呀。」
「哈哈,熟先叫你全名咋。」


「你去邊呀而家?」
「落去打波囉,你呢?圖書館?」
「係呀,還埋本書就去自修室溫書啦。」
「使唔使咁勤力呀,問親你都係溫書。」
「就考DSE啦,我成績又唔係特別好。」
「好啦,今晚再傾啦。」Jordan做個手機動作,然後就走了。
 
「原來你地而家咁friend架。」身旁的Oscar說。
「WhatsApp傾計啫,我都好少見佢。」兩人走進圖書館。
「哦,但聽你地講野好似好熟咁。」


 
 
晚上Horace在溫習時收到Jordan的訊息。
「聖誕節有無約人呀?」
「無呀,做咩呀?」
「約你出街囉,今日先發現我地好似無一齊出去玩過。」
「哦,好呀,但出街做咩呀?」
「交比我諗啦,約實你25號啦,唔好甩我底呀。」
 
平安夜晚上,Horace想起明天的約會,突然很緊張,忐忑不安。他發現自己不能集中,便放下筆記,打開電話上Facebook看看,見到Jordan剛上載了數張相片,他與一大班朋友在一個類似派對的場景。你看著相中的Jordan,覺得他應該是個萬人迷,為何聖誕節正日要約他單獨約會呢?難道…