[hehe]《知音人》: 六：面紅

聖誕節，滿街都是五光十色的燈飾，洋溢普天同慶的氣氛。
 
不太喜歡吵鬧的Horace在家中的鋼琴前，彈著自己近日創作的旋律，他正為歌唱比賽的表演作品努力中。
 
創作這回事，就是看靈感之神何時來到，而那段副歌他總是未能作到。
 
突然，電話響起，屏幕顯示著「好靚仔的楊俊朗」，他反了白眼然後接聽。
 
Horace：「你幾時拎過我部電話改左自己個名叫好靚仔的楊俊朗架？」
Oscar：「尋晚食飯果陣囉，以為你好快發現左。原來你一直都無睇我message架？」


Horace：「無呀，作緊歌嘛，打黎做咩呀？」
Oscar：「王上call今晚即興食飯呀，你來唔來呀，咁耐無見。」
Horace：「王上？稀客wor。橫掂無約人，我跟隊啦。」
Oscar：「好啦，我叫佢add你入group。」
Horace：「喂，仲有邊個來架？」
Oscar：「Frankie、Howard佢地囉，你入group就知架啦。今晚見啦，bye。」
 
Horace放下電話後，就想起原來已和這班中學同學沒有見面近一年。難得他們竟然會約在聖誕節聚餐。
 
「飲杯！」眾人高舉手上的杯，檯上傳來碰杯的聲音。


 
王上：「將軍，今日咁賞面呀，對上兩次都唔出，以為你人間蒸發左。」
Horace：「忙呀嘛，N展仔好多功課架。」
Oscar：「呢個佢又岩，我係學校見親佢，佢都係忙緊。」
Frankie：「係呢，早幾日我係九東大見到以前同你好friend果個佐敦，原來今年入左九東大讀wor。」
Horace：「哦，我都唔知wor。」
 
兩年前的聖誕，和Jordan的首次「約會」過後，Horace感到自己對Jordan不只是以前的仰慕。Horace之後慢慢變得主動，甚至願意騰出自己溫習的時間約Jordan做一些他以前不會做的事，例如：跑步。
 
一個月後的某個周末。


 
Jordan：「做咩咁好約我出黎跑步呀？唔使溫書咩？」
Horace：「吊頸都要抖下氣既，何況我呢牌肥左好多，係時候要減下。」
Jordan：「你唔算肥啦。」
Horace：「唉，你呢D天生麗質唔會明架啦。」
 
跑了數公里後，Horace拖著疲累的身驅回到更衣室。
 
Jordan一邊更衣一邊笑說：「睇下你，跑果一陣就拉哂車。」
Horace：「唉，第一次係咁啦，仲要笑我。」
Jordan：「傻豬黎，之後記得keep住跑啦，練好d氣對唱歌都有用架。」
 
聽到Jordan叫他「傻豬」，Horace呆了一呆，然後望著脫了上衣正在抹身的Jordan，那迷人的腹肌、胸肌，即使不算筋肉型，但相當勻稱，配上麥色的膚色，看得Horace入迷。
 
「喂，你望完未呀。」一把聲音加一拳把Horace帶回現實中。


 
「無..無..我放空..咋嘛」Horace立即轉身，避開Jordan視線，場面極之尷尬。但Jordan硬拉他轉身，露出奸笑：「真係無野？」
 
Horace那一刻簡直幾乎暈了，面對身前的男人，他再發力轉身想逃避。
 
Jordan放開手，但從後在Horace耳邊，用極溫柔的聲線，說了一句：「你話無野就無野啦。」然後很快穿了上衣，步出更衣室，出去前還送多次那個奸笑。
 
Horace只知道，自己的面紅到極。