[hehe]《知音人》: 十六：淚崩

Horace：「點解…點解你會係度既？」

Jordan沒有回答，但張開雙臂打算將仍眼泛淚光的Horace一擁入懷。

Horace沒有理他，跑了出場地，進入洗手間。坐在出口附近的同學看到這一幕都呆了。

本身思緒已經夠混亂的Horace在洗手間再次大哭，但他不知道自己在哭什麼，只知道這一刻他無法冷靜下來。

「點解佢會出現？佢究竟想點？」他的腦海充滿著這兩個疑問。



他不停以水洗面，希望可以冷靜，直到他的電話響起。他望一望，是Roy。

Roy：「喂？將軍？你係邊？」
Horace：「洗..洗手間。」
Roy：「你無野嘛？把聲咁既？」
Horace：「你可唔可以過來？睇下門口有無人？」
Roy：「好啦。」

不久後，Roy到了，見到Horace淚崩後仍未回復的畫面，真的嚇到了。



Roy：「哇，將軍你做咩呀，無事呀嘛？」
Horace：「出面有無人？」
Roy：「我黎果陣遠距離見到有個男仔企左係門口，但之後就走左lu。」
Horace：「好啦。咁地出返去啦。」
Roy：「你o唔ok架，仲有少少時間先到我地，你可以等多陣先都得。」
Horace：「ok啦，行啦。」

兩人慢慢走回比賽場地，沿途不見任何人，看來Jordan應該是走了。Horace不知道他為什麼會出現，如何出現，出現是想做什麼。

Roy一直看著Horace的表情，一來有點擔心，二來也有點好奇，但沒有開聲問，直到回到後台，Edmund和Oscar也感受到有點不妥。



他們互相對望了一會，沉默了一會，其他準備出賽的同學也被他們的沉重氣氛所影響，整間房間都靜了。

Horace有點尷尬，獨自走到角落去。

Edmund：「佢做咩呀？」
Roy：「唔知呀，我去到廁所見到佢情緒有少少崩潰咁。」
Edmund：「唔怪得咁既樣啦。」
Oscar：「唱歌太投入？定係中間發生咩事？」
Roy：「佢仲問我有無見到有人係廁所門口。我去到果陣又唔見有，得一個人路過但之後都走左。」
Oscar：「唔通..」

Edmund和Roy一同望向Oscar。

Oscar停低沒說，他知道Jordan今天會來，因為早前Jordan聯絡他問有關今天比賽的資料，說聽了Horace初賽的影片，想來支持他。Oscar知道Horace與Jordan曾經很熟絡，所以將有關今天比賽的時間地點告訴了Jordan。雖然知道兩人現在沒太多來往，但沒想過Jordan的出現竟然會令Horace情緒失控。



Oscar：「無野，我地而家比少少空間佢啦。佢上到台就會變第二個人架啦。」

Horace仍然躲在一角，嘗試沉澱自己的情緒。