[hehe]《知音人》: 十八：原點

Horace回到表演場地，見到其他隊友已完成執拾物件，便一同回到303室。途中Horace拉開了Oscar「自私傾」。
 
Horace：「死仔你做咩唔話我知葉子康會黎呀，嚇死我啦。」
Oscar：「佢叫我唔好講，話驚你緊張wor。」
Horace：「我solo唱完行出去見到佢果下嚇到我。」
Oscar：「有無咁誇張呀，雖然我都唔知點解佢話要黎睇。」
Horace：「唉，你唔明啦，我都無見佢幾年啦，然後突然出現返，我都唔知點面對。」
 
Oscar雖然不知道他們兩人為什麼會由當年的好朋友變到陌路人，但也感覺兩人的關係並不簡單，但他沒有再追問下去。
 


四人簡單的慶功宴過後，Horace回到房間，思考著今天所發生的事情。
 
首先，是Jordan的突然出現令他情緒崩潰。或者，這就證明了他心底從來未放低過Jordan，近來為了準備Sing Con，腦海裡也不停浮起當年他們認識的畫面，還有聖誕節、DSE溫習等快樂的時光。一路以來，他只是抑壓著這段情感，刻意令自己忘記他的存在。
 
他拿起手機，看著兩人自拍的合照，細看Jordan的樣子。他發現，一年多來，Jordan除了多了一份滄桑外，也多了一份成熟和穩重感，與當年充滿童真的他有些少分別。或許，這段時間，發生了一些事令他成長。
 
他張照片WhatsApp給Jordan，對方很快就回覆。
 
Jordan：「仲諗住問你拎相添。」
Horace：「哈哈，多謝你今日專程黎呀，雖然嚇親我。」


Jordan：「Sorry呀，應承你以後唔會嚇你。」
Horace：「哈，聽講你入左九東大wor，讀咩科呀。」
Jordan：「咁你都知既？我讀體康囉。」
Horace：「早排見過班中同，有個讀九東大既話見到你嘛。」
Jordan：「哦，唔怪得啦。你呢？讀工程？」
Horace：「係呀，做Engine仔，Oscar最勁，讀語言學。」
Jordan：「哈，咩科都係咁讀啦。」
 
兩人就一直輕鬆地談下去，仿佛回到當初剛認識的那時。
 


翌日，當Horace在飯堂食早餐時，又出現了一位不速之客。
 
Horace：「史提芬先生，其實你咁高大，好難發現唔到你。」
Steven：「哎呀，比D幽默感啦。」
Horace：「你D幽默感留返比Edmund啦。」
Steven：「係wor，唔見佢既。」
Horace：「佢都無住Hall，點會係度同我食早餐。」
Steven：「陣間唔係一齊上堂咩？」
Horace：「係呀，但佢近排唔到最後一分鐘都唔會去到班房。」
Steven：「哦，咁我唯有等你地落堂啦。」
Horace：「你又想做咩？」
Steven：「你係唔係人地朋友黎架？」
Horace：「下？唔明。」
Steven：「好朋友生日都唔記得。」反了白眼。
 


Horace馬上拿起手機上Facebook，才發現自己完全沒有一回事，近來只記掛著Sing Con和Jordan，其他什麼都忘記了。
 
Steven：「唉，好朋友wor。」
Horace：「咁佢知唔知你約佢架。」
Steven：「唔知呀，所以先黎呢度撞佢。」
Horace：「佢lunch唔一定同我食飯架，你最好同佢講聲，唔係等完得個吉，我都幫你唔到。」
Steven：「好啦。」