[hehe]《知音人》: 二十：夢想

之後的一段日子，Horace的功課都十分忙碌，沒有太多空閒時間處理學業以外的事，除了間中和Jordan互傳普通短訊外，兩人都沒有什麼進一步的交流。
 
與此同時，他隱約感覺到Edmund和Steven應該已正式開始，但兩人都對此事三緘其口。Horace也沒有追問，但憑日常和Edmund的交流之中大致上可確認這件事。他作為過來人，也明白要告訴朋友這件事十分困難，哪怕是一位知心好友。
 
平淡的日子一直延續到學期末，直至大考完結後的一天，Horace收到一個電話。
 
「請問係唔係張志鈞先生？」電話另一邊傳來一把陌生的聲音。
「係。你係？」
「我姓林，我代表星光娛樂打電話邀請你同我地唱片公司既音樂總監見面。你問你呢個星期有無時間？」
「唱片公司？」


「係呀，我地唱片公司定期會係唔同大學發掘識唱歌既年青人加入，希望透過培訓可以成為職業歌手。我地早排見到你係大學歌唱比賽既演出，認為你有相關潛質，所以想邀請你見個面。」
「er…」
「一係咁，我send相關既資料比你，你睇左之後如果有興趣可以再搵返我。請問你個email係？」
「哦，好啦，我email係[email protected]。」
「唔該哂，我轉頭會將資料比你，有埋我聯絡方法。你有無其他問題？」
 
Horace靜了，老實說，他不知可以問什麼，有點不知所措的感覺。
 
「想問下，如果會面既話係咩形式？我使唔使準備D咩？」
「唔使咁緊張先，你睇左資料先，如果有興趣既話打比我地，我地會再同你講有咩需要。放心，就算見面都唔係面試，唔使太多準備，我地係想了解下你係音樂上有咩夢想或者方向，互相睇下適唔適合，我地亦唔會第一次就簽約，可以放心。」


「唔該哂。」
「希望之後收到你既答覆。Bye張生。」
「Bye。」
 
Horace說完後，第一個想法，是「這是否騙案？」，年中很像有不少人因為「發明星夢」而被騙錢，但他感覺不像，現在唯有先等對方把資料電郵過來。
 
翌日，Horace真的收到星光娛樂的電郵，附上他們一個栽培年青歌手的計劃資料。他還特意上了該網站了解公司背景和此計劃的資料，認為這是騙局的機會不大。
 
然而，他還是有點擔心一旦登門造訪就會出現被迫簽約等情況。他想了一會兒，還是決定查詢朋友的意見。
 


Horace又不想太多人知道這事，便決定暫時先不跟HERO說，那傾訴對象比較可能就只有Jordan。
 
Horace：「喂，葉子康。」
Jordan：「做咩呀？」
Horace：「有無聽過星光娛樂？」
Jordan：「唱片公司？」
Horace：「係呀，咁出名既？」
Jordan：「哦，唔係呀，一個比較小型公司，無咩一二線歌手，早一兩年先成立簽左幾個獨立歌手、busker咁。」
Horace：「哦，唔怪得之前無聽過。」
Jordan：「做咩無啦啦問？」
Horace：「尋日呢間公司打比我話約我見面，話上網睇左我表演。」
Jordan：「哇，你講真架？佢搵你做咩？」
Horace：「佢有個計劃，想培訓年輕人做歌手，比左D資料我睇咁，話如果有興趣可以上去了解下。」
Jordan：「哦，咁你想唔想去？」
Horace：「我就煩惱緊，唔知會唔會係騙局或者會唔會被傳銷咁。」


Jordan：「哦，好簡單啫，唔好帶信用卡、唔好比身份證。就算傳銷都應該奈你唔何。」
Horace：「哦。但我…」
Jordan：「最多我陪你上去啦，我信件事係真既，聽講呢間公司都幾好。」
Horace：「你講架。係wor唔好話比人知呀，我唔想太多知道。」
Jordan：「所以我係第一個知？」
Horace：「係呀。」
 
Jordan聽完後挺開心的。