[hehe]《知音人》: 二十一：滿足

到了與唱片公司會面的那一天早上，Horace十分緊張。
 
由於事情仍然在十分起步的階段，他也沒有告知家人和朋友（Jordan除外），免得引起他們太大反應，然後又落得一場空。加上學期已經完結，他沒有太多機會與朋友們見面，Edmund和Oscar也離港旅遊，所以這段時間他和Jordan對話以至見面的時間都多了。
 
他們約了一起午飯，席間Horace仍掩蓋不了緊張的情緒。
 
Jordan：「放鬆D啦，又唔係見工。」
Horace：「係囉，唔知做咩咁緊張。」
Jordan：「其實你調轉諗，呢個機會都唔係你計劃之內，有咪驚喜，無都唔會失望啦。」
Horace：「嗯。」


 
結果，與唱片公司代表見面的過程比想像中輕鬆得多，音樂總監張先生是個年約四十的男士，也是一名歌唱老師，他介紹一個歌手訓練計劃給Horace，亦解釋了當中的細節（包括合約、費用、訓練模式等），同時明白Horace作為學生，要考慮的事情很多，所以沒有意思要他馬上答應，反而更多在討論Horace對成為音樂人的想法等。總監也同時認識了Jordan，雖然知道Jordan是陪同Horace來的朋友，但也從對話中得知他也是喜愛唱歌的年輕人，表示如他有興趣可電郵一些他唱的Demo或Cover等給唱片公司參考。
 
離開唱片公司後，他們到海濱走著，討論剛才見面的情況。
 
Horace：「多謝你陪我一齊黎啦，起碼無咁緊張。」
Jordan：「你信我先同我講啫，你無話比Oscar佢地知？」
Horace：「無呀，十劃都未有一撇，唔想太張揚，何況佢地都唔係香港。」
Jordan：「哦，其實我好開心架。」
Horace：「下？」


Jordan：「好開心你信我，話比我知呢件事，又好開心你比我同你一齊去。」
Horace：「講呢D。」
Jordan：「真架，我仲以為你唔會再當我朋友。」
Horace：「喂，你唔好咁啦。」
 
兩人沉默了一段時間，對著大海，不發一言。
Horace：「喂，葉子康。」
Jordan：「嗯？」
Horace：「比多少少時間我，得唔得呀。」
Jordan：「er…」


Horace：「其實，當年你不辭而別，你知唔知我用左幾耐時間先復元？但因為sing con又突然諗起返你，我都唔知點解。然後見返你，其實搵得返當年我地岩岩識既時候既感覺。其實我知你大概諗緊咩既，但我唔太知道自己想點，所以比D時間我好嗎？」
 
Jordan望著Horace點頭：「嗯，其實我都唔奢求D咩啦，我都驚你見到我會唔開心唔舒服，但見你肯主動約我，同我講你諗咩，其實我已經好滿足。」
 
場面再回歸平靜，Horace的頭慢慢向Jordan肩膀依偎，繼續一同望向大海。