[hehe]《知音人》: 七十二：憑歌

歌唱比賽初賽舉行前兩小時，HERO相約在飯堂吃個下午茶。
 
Roy：「係喎，都未問你地兩個初賽唱咩歌添。」
Horace：「到時你咪知囉。」
Edmund：「將軍做咩咁神秘？我唱《未來見》呀。」
Horace：「無呀，費事你地有太好既期待，然後聽完好失望。」
Roy：「講笑咩，你唔使擔心啦。」
Edmund：「係喎，Jordan今晚黎唔黎呀？」
Horace：「唔黎呀，佢話我地入左決賽佢先黎喎。」
Roy：「咁叫佢預定日子啦，我諗唔到我地HERO有機會入唔到。」


Horace：「咁Steven呢？使唔使練波？」
Edmund：「唔使呀，佢話同Darren一齊黎喎。」
 
Horace留意到Oscar一直沒有搭話，便問：「Oscar？你無野呀嘛？」
Oscar：「無呀，有少少緊張啫。」
Roy：「上年你都無咁緊張架，你無事嘛？」
Oscar：「無呀，放心啦，食野先啦。」
 
當他們到達比賽場地的時候，已有為數不少的參賽者已到，他們已經或正在排隊報到及知悉出場次序。
 


Horace在為自己及HERO報到的時候，發現除了他和Edmund外，在獨唱初賽的比賽名單出現「楊俊朗」的名字，而且是頭幾位出場的人士之一。
 
Horace轉身想找他的同伴的時候，已發現Oscar不見了。
 
他走到Edmund和Roy的身邊說：「原來Oscar都有獨唱喎，唔怪得佢咁緊張啦。」
Roy：「我見佢岩岩一個人無啦啦走去排隊報到都估到啦。」
Edmund：「係喎呀Roy，佢呢幾日點呀？我好驚佢扮無野咁。」
Roy：「唔識講呀，我都係同佢傾過兩三次，佢都係努力扮到無事咁。」
Horace：「佢要時間去處理啦。」
Edmund：「咦，佢地到啦喎。」他指著剛進門口的Steven，身旁還有Darren和幾位應該是籃球校隊的朋友。


 
Roy按著Edmund指的方向望，然後說：「哇，Wilson都係度。」
 
Horace望望，才發現Wilson一直跟在Darren身後。當Steven走過來和他們打招呼的時候，Darren、Wilson和幾名朋友找了位置坐下。
 
Steven：「Hello，唔見Oscar既？」
Edmund：「佢走左去後面練歌喎，原來佢都參加左獨唱，無話比我地知。」
Roy：「你又咁岩叫埋Wilson黎既？」
Steven：「Darren叫架，邊個想黎咪黎囉，我無咩所謂。」
Horace：「初賽好多人玩喎，我地合唱可能好晏先出場。」
Steven：「唔緊要啦，我地都食左野，咪當聽下歌囉。」
 
此時工作人員宣布所有獨唱參賽者要到後台集合，Horace便和Edmund前往後台，留下Roy一人在參賽者等候區。
 
Edmund：「點呀，話唔話比Oscar知Wilson係度呀？」


Horace：「唔講啦，可能佢都知；如果佢唔知，再話比佢知咪仲緊張？」
Edmund：「咁又係，同埋半首歌好快過啦。」
Horace：「嗯。唔出聲又唔代表我地呃佢既。」
 
Horace一進後台就見到Oscar，便走過去拍了他膊頭說：「solo咪solo囉，唔使咁神秘既，加油啦。」
 
Oscar臉上露出尷尬的微笑，然後說：「都係上星期臨時決定架咋，當玩下，唔想你地知都係驚你地笑我。」
Edmund：「傻啦，一場兄弟實撐你，點會笑你，同埋大家都係玩下啫。」
Horace：「係囉，你唔好諗咁多啦，做返平時既你唱就得啦。」
 
說完這句，後台的參賽者就聽到司儀宣佈獨唱組的初賽正式開始。