[hehe]《知音人》: 七十五：疑惑

初賽過了兩天，學生會把部份參賽片段上載到其Facebook專頁，一如大家推測，HERO的《無盡》、Horace的《我的志願》都包括在內。
 
在星期五的傍晚Horace在唱片公司完成錄音練習，離開錄音室並前往茶水間的時候，聽到以下的對話，他便停下腳步，靜心聆聽。
 
「同左總監講想同佢錄首合唱歌呀啦。」這把聲音明顯是Kenneth。
「你想公器私用？」是把熟悉的女聲，應該是接待處的Joanne。
「咩呀，真心覺得佢把聲好聽咋。」
「你敢話你無私心？」
「你自己聽下啦，早兩日放左上Facebook，幾百個like啦。」
「你都唔係答我問題既。」


「你諗多左啦。仲有，佢係隔離錄緊歌，唔好咁大聲。」
「我地錄音室隔音好勁，你放心啦。」
「唔同你呢個腐女講野。」
 
Kenneth說完這句就離開茶水間，一踏出門口就見到Horace站在門旁。
 
Horace剛知道兩人正談論著他，加上他一直知道Kenneth對他或許有多於朋友的關懷，所以這刻的他感到有點尷尬。
 
Joanne見Kenneth在門外突然停下腳步，便跟了上去，並說了：「林文傑你做咩企係度？」但她一踏出門口，就看到兩位男生尷尬的對望。
 


Kenneth把這個冷場打破，說：「我睇左你早幾日sing con段片，唱得好聽喎。」
Horace：「哦，多謝。」
Kenneth：「我..我去搵老闆先，下次再傾啦。」說完便急腳走開了。
 
Horace第一次見Kenneth這樣尷尬，平常的他可以充滿著自信。當他仍未思考發生什麼的時候，Joanne便開口：「Horace，你頭先聽到我地講幾多野？」
 
Horace回應：「由佢話睇左我sing con段片幾百like果度囉。」他不說他聽到了「公器私用」這些字詞。
 
Joanne：「哦。佢仲有講佢同總監講想搵你合唱錄隻歌，你睇下之後成唔成事啦。」
 


Joanne說完這句也離開茶水間，返回接待處執拾物件，準備放工。
 
當Horace仍在思考發生什麼事情的時候，他電話響起。
 
Jordan：「喂，你走得未呀？」
Horace：「得架啦，你係樓下？」
Jordan：「係呀，你快D落黎啦。」
Horace：「好啦，做咩咁心急呀？」他一邊走，一邊說著。
Jordan：「你落到黎咪知囉。」
Horace：「好啦，陣間見。」
 
Horace踏出升降機，還未走出大堂的時候，就見到Jordan、Charlie和Nick在遠處向他揮手。Horace一臉疑惑地走著，不知為何這三人會突然在這個地方「迎接」他。
 
Horace：「Hello，搞咩呀你地？咁齊人既？」
Charlie：「接你放工，陪你食飯。」


Horace：「下？」越想越不通了。
Jordan：「你咪理佢地啦，兩條友無野做搵我攝時間，我話要接你收工，佢地又要跟埋黎。」
Nick：「佐敦，你咁講就唔岩啦，我地連女朋友都唔陪，都黎陪你接人放工，係咪好兄弟先。」
Horace：「下？即係點呀？」
Charlie：「哎呀，你唔好玩佢啦。我地兩個係附近練完波想搵佐敦食飯，佢話唔得閒要接你，咁我就話跟埋黎一齊食，順便請教你少少野囉。」
Jordan：「係囉，咁都要做電燈膽。」
Horace：「哦，無所謂啦，一齊食囉。」
Nick：「都話Horace唔介意啦。」
Jordan：「咁我地行啦好嘛？」
 
Horace臉上仍帶著很多疑惑地跟三人走著，對發生的事仍欠缺理解。
 
路上Charlie乘機把Horace拉到一邊，小聲說：「你兄弟Frankie今朝無啦啦搵我，問我關於你既野。」
 
Horace：「下？Frankie？佢做咩唔直接搵我？」


 
Charlie聳聳雙肩，面上露出「不知道」的表情。