[hehe]《知音人》: 八十六：出發

四人吃完下午茶後，Edmund和Oscar跟Horace上了512室準備比賽前的最後練習。
 
Oscar：「係喎，將軍，你知唔知頭先邊個搵我？」
Horace：「邊個？Jordan？」
Oscar：「Good Guess，同佢有關，但唔係佢。」
Horace：「下？邊個同佢有關又會搵你呀？」
Oscar：「我地某位都係九東大讀緊既兄弟。」
Horace：「你指Frankie？」
Oscar：「係呀，我收到佢電話都嚇親，以為佢打錯。」
Horace：「佢搵你做咩呀？」


Oscar：「呢個更加O咀，佢話今晚想黎睇sing con喎。」
Horace：「下？」
 
他馬上拿起手機，致電Jordan。
 
Jordan：「做咩呀張志鈞，好掛住我咩？」
Horace：「頭先Frankie有無搵過你？」
Jordan：「頭先我同Charlie佢地食野撞到佢，傾左陣計囉。」
Horace：「岩岩Oscar話Frankie打比佢話今晚想黎睇喎。」
Jordan：「哦，睇黎佢真係好八掛喎。」


Horace：「咁你有無話佢知你會黎呀？」
Jordan：「無呀。」
Horace：「我唔知呀，我硬係覺得佢有少少古怪咁。」
Jordan：「唔緊要啦，到時現場咁多人，我跟住Steven佢地，應該無咁易發現到我既，就算發現到都無咩野既。你唔好擔心咁多啦。」
Horace：「嗯。咁你差唔多到就WhatsApp我啦。」
Jordan：「得啦，你準備唱歌先啦。」
Horace：「好啦，今晚再講啦。」
Jordan：「嗯，Bye。」
 
掛掉電話後，Horace望著Oscar，兩人聳聳雙肩。


 
此時，512室的房間打開，Roy走進來，見到三人都在，便說：「哇，咁齊人既，我洗個面就返來練歌！」
 
另一邊廂，Steven正在電腦室努力趕功課，遞交的截止時間是午夜十二時正。他希望可在歌唱比賽決賽開始前完成，那他晚上就可以和Edmund二人世界。
 
偏偏在他最趕的時候，先有吃完下午茶的Darren出現在他身旁不停騷擾他，再有剛下課的Wilson來到電腦室與Darren兩人唱雙簧，令Steven的工作效率降低。本來心情已經有點煩燥的Steven發現時間不夠的時候，終於忍不住說：「不如你地兩個出出面傾？你地嘈到我做唔到野，無時間啦！」
 
Darren見Steven難得的鬧情緒，便拉了Wilson離開電腦室，留下Steven自己一人繼續努力。但不夠一分鐘後，Darren就收到Steven的電話。
 
Darren：「點呀，無見我一分鐘就掛住我啦？」
Steven：「掛你死人頭呀，幫我去接個朋友呀。」
Darren：「邊個呀？」
Steven：「Jordan呀，Horace條仔，上次打波你見過啦，佢係體育館果邊門口，佢今晚黎睇sing con，我應承左Horace帶佢入去。」
Darren：「好啦，你send佢張相比我啦，比埋我電話佢啦，等我同佢好好傾下計。」
Steven：「你咪嚇親人添呀。」


Darren：「我做事你放心啦。」
 
說完這句，Darren便掛斷電話，和Wilson一起出發去找Jordan。
 
Wilson：「哦，所以呢個Jordan係Horace男朋友？」
Darren：「係呀，你唔知咩？」
Wilson：「唔知呀，我同Horace又唔熟。」
Darren：「係喎，你同楊俊朗點呀？」
Wilson：「幾好呀。」
Darren：「咁你覺得佢有無野呀？」
Wilson：「無呀，而家咁樣幾好呀。」
Darren：「算啦，問你唔會有用，你既感情神經敏銳度無限接近零。」
Wilson：「咩呀！」
Darren：「都唔知你點解會溝到女既，反而我呢D咁完美既男士長期單身。」
Wilson：「喂，你同楊俊朗一樣咁自戀架喎。」


Darren：「呢D叫自信。咦，果個咪係Jordan囉。」他指著前方不遠處的身影。
 
Jordan看到兩人步近，便和他們打招呼：「Hello Darren，我係Jordan呀，上次打波見過。你係Wilson？」